Shymkent qalasynda polıseıler urlanǵan Toyota Camry 55 avtokóligin tárkiledi, ony kúdiktiler tórt mıllıon teńgege satyp úlgergen jáne urlanǵan avtokóliktiń esigin ashqan elektrondy skaner apparaty da aıǵaqty zat retinde alyndy.
Túrkistan qalalyq Polısııa basqarmasyna jergilikti turǵyn belgisiz adamdardyń onyń Toyota Camry 55 markaly avtokóligin urlap ketkeni týraly aryzdanǵan. Atalǵan jaıtty polısııa qyzmetkerleri QR QK-niń 188-baby 4-bóligi (Asa iri kólemdegi urlyq) boıynsha SDTBT-ǵa tirkegen. Qylmysty ashý maqsatynda Túrkistan oblysy PD-da Krımınaldyq polısııa basqarmasy men Túrkistan QPB-nyń tájirıbeli qyzmetkerlerinen turatyn jedel-tergeý toby quryldy. Polıseıler birden oqıǵa ornyna kelip, kúdiktilerdi jedel izdestirýge kiristi.
Tergeý barysy men avtourylardy ustaý týraly oqıǵanyń basy-qasynda júrgen TO PD bastyǵynyń orynbasary Qurmanbek Sahov tolyǵyraq aıtyp berdi.
– Arnaıy júrgizilgen operasııa nátıjesinde bizdiń jedel ýákilder tórt kúdiktini ustady. Olardyń tórteýi Aqtóbe oblysynyń turǵyndary, onyń ishinde ekeýi destrýktıvti dinı aǵymnyń músheleri bolyp shyqty. Ustalǵandardyń úsheýi buryn qaraqshylyq jáne qarý saqtaǵany úshin sottalǵan. Kúdiktiler qamaýǵa alyndy.
Tergeý barysynda qylmystyq top músheleriniń aldyn-ala josparlanǵan syzba boıynsha, árqaısysy óz rólin somdaý arqyly áreket etkeni anyqtaldy. Kúdiktiler quny 10 mıllıon teńgeden asatyn avtokólikterdi arnaıy skanerleý qurylǵysynyń kómegimen ashqan. Olar avtokólik ıelerin baqylap, esikterin ashqan kezde elektrondy qulyptardy skanerlegen. Seziktiler qymbat kólikke qol jetkizgennen keıin, olardy turaqtan nemese kóshelerden urlap, aıdap áketken.
Tergeý búgingi kúni kúdiktilerdiń avtokólik urlyǵynyń jalpy bes deregine qatystylyǵyn anyqtady. Olar bes qylmystyń ekeýin Aqtóbe qalasynda, ekeýin Túrkistan oblysynda jáne bireýin Qyzylorda oblysynda jasaǵan. Qazirgi ýaqytta sotqa deıingi tergeý jumystary jalǵasýda. Sondaı-aq kúdiktilerdiń basqa da osyndaı qylmystarǵa qatysy bar-joǵy anyqtalýda, – dedi Q. Sahov.
