Aımaqtar • 01 Sáýir, 2021

Jyl basynan beri Petropavlda májbúrlep emdelýge 23 adam jiberildi

86 ret kórsetildi

Jyl basynan beri Petropavlda ashy sýdyń býymen 53 qylmys jasalǵan, onyń ishinde densaýlyqqa zııan keltirýdiń barlyq jaǵdaılary oryn alǵan. Artyq ishilgen alkogol otbasy-turmystyq qatynastar salasynda jasalatyn zorlyq-zombylyq faktileriniń negizgi sebepshisi bolyp otyr, dep habarlaıdy Egemen.kz.

Petropavl qalasynda turatyn 59 jastaǵy áıel 35 jastaǵy ulyn májbúrlep emdelýge jiberý úshin birneshe ret ótinish jazǵan. Er adam 10 jyl boıy maskúnemder esebinde tur. Esh jerde jumys istemeıdi, anasynyń jalaqysymen kún kóredi. Masań kúıde janjal shyǵarady. Túzelemin dep ýáde berip, anasyna jazǵan ótinishterin talaı ret qaıtartqan.

Alaıda urys-keristiń sońy kúsh kórsetýge ákelmeı turǵanda isti sońyna deıin jetkizý qajet ekenine ýchaskelik polısııa ınspektory, polısııa kapıtany Asyltas Jańabekov áıeldi kóndiredi. Sóıtip maskúnem naýryz aıynyń sońynda májbúrlep emdelýdiń narkologııalyq uıymyna jiberildi. Anasynda janjaldar aıaqtaldy degen úmit paıda boldy.

«Jyl basynan Petropavl qalasynyń ýchaskelik polısııa ınspektorlary 23 adamdy májbúrlep emdelýge jibergen. Bul máseleden shyǵaratyn jalǵyz jol – emdelý», deıdi qalalyq PB basqarmasy bastyǵynyń birinshi orynbasary, polısııa podpolkovnıgi Álibek Ǵabdýllın.

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar