Klımattyq málimetter boıynsha sáýir aıy Qazaqstannyń barlyq aýmaǵynda kóktemniń bastalatyn ýaqyty. Sáýirde kún uzaryp, kókjıekten joǵary kóterilip, odan ári jylý jınalady. Aýanyń ortasha táýliktik temperatýrasynyń 0°C arqyly oń mánderge turaqty aýysýy respýblıkanyń soltústiginde birinshi onkúndikte bastalady, úshinshi onkúndikte bul aýdandardaǵy ortasha táýliktik temperatýra +5°S arqyly ótedi. Qazaqstannyń ońtústiginde birinshi onkúndikte aýanyń ortasha táýliktik temperatýrasy +10°S arqyly ótedi. Keıbir jyldary 2-3 aptaǵa, erte jáne kesh kezeńderge aýysýlar bolýy múmkin.
Sáýir naýryz aıymen salystyrǵanda jaýyn-shashynnyń kóbeıýimen tán. Qazaqstan aýmaqtarynyń kóp bóliginde jaýyn-shashyn 15-30 mm, shyǵysynda keı jerlerde 50-90 mm, ońtústigi men ońtústik-shyǵysynyń taý bókterindegi jáne taýly aımaqtarynda 100-150 mm túsedi. Keıbir jyldary jaýyn-shashyn mólsheri kópjyldyq mánderden 4-5 ese asyp ketýi múmkin.
Naızaǵaı búkil Qazaqstan boıynsha, tuman - kóbinese Qazaqstannyń soltústik jartysynda baıqalady.
Konsýltatıvtik boljamǵa sáıkes 2021 jyldyń sáýir aıynda Kaspııdiń ońtústiginen jáne Reseıdiń Eýropalyq aýmaǵynan sıklondardyń shyǵýymen respýblıkanyń batysy men soltústik jartysynda aýa-raıynyń turaqsyz sıpaty basym bolady. Jaýyn-shashyn (kóbine jańbyr túrinde), Qazaqstannyń soltústiginde jáne respýblıkanyń ońtústik, ońtústik-shyǵys, shyǵys taýly aýdandarynda aralas jaýyn-shashyn (jańbyr, sýly qar) bolýy yqtımal. Jel 15-20 m/s, keı kúnderi ekpini 23-28 m/s kútilýde (batysta jáne ońtústikte shańdy daýylmen), respýblıka boıynsha keı jerlerde naızaǵaı oınap, burshaq jaýýy yqtımal.
Birinshi onkúndiktiń basynda Qazaqstannyń basym bóliginde jaýyn-shashynsyz aýa raıy kútiledi, tek batysta jáne ońtústik-shyǵys bóliginde jaýyn-shashyn (jańbyr, qar), keı jerlerde qatty jaýyn-shashyn kútiledi.
Birinshi onkúndiktiń ortasynan bastap respýblıkanyń barlyq aýmaǵynda jaýyn-shashyn, tuman jáne kóktaıǵaq qubylystary turaqsyz aýa raıy boljanady. Birinshi onkúndikte túngi jáne kúndizgi aýa temperatýrasynyń joǵarylaýy kútiledi:
batysta túnde +2+7°S-qa deıin, kúndiz +5+15°S- qa deıin;
soltústikte, soltústik-batysta, ortalyqta jáne shyǵysta túnde -5-15°S-tan -2+3°S-qa deıin, kúndiz +2+10°S-qa deıin, ortalyqta jáne shyǵysta keı jerlerde +13°S-qa deıin;
Respýblıkanyń ońtústiginde jáne ońtústik-shyǵysynda túnde 0,-8°S-tan +2+10°S-qa deıin, kúndiz +5+15°S-tan +10+23°S-qa deıin.
Birinshi onkúndiktiń sońynda Qazaqstannyń soltústik jartysynda túngi temperatýranyń tómendeýi boljanady.
Sáýirdiń ekinshi jáne úshinshi onkúndikterinde Iran men Orta Azııa aýdandarynan jyly aýa massalarynyń shyǵarylýymen temperatýra fony kóterilýi múmkin:
Eldiń soltústiginde, ortalyǵynda jáne shyǵysynda kúndiz +15+25°S- qa deıin;
Qazaqstan Respýblıkasynyń ońtústik aımaqtarynda jáne batysynda +20+30°S- qa deıin.
Alaıda sýyq aýa raıynyń qaıtýy jáne aýa temperatýrasynyń aıtarlyqtaı tómendeýi joqqa shyǵarylmaıdy. Respýblıkanyń soltústik, ortalyq jáne shyǵys óńirlerinde Reseı aýmaǵynan sýyq aýa massalarynyń enýine baılanysty termometr baǵandary túnde 0,-9°S- qa deıin, kúndiz +3+8°S- qa deıin, elimizdiń ońtústik óńirleri men batysynda túnde -5+7°S- qa deıin, kúndiz +10+17°S- qa deıin tómendeýi múmkin.
