Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, Atyraýdaǵy modýldik ınfeksııalyq aýrýhananyń jansaqtaý bóliminde Naýryz merekesine deıin 11 naýqas jatqan. Qazir olardyń sany 16-ǵa jetip otyr.
«Jansaqtaý bólimindegi naýqastardyń arasynda 12 adam aýyr halde, 4 pasıent óte aýyr halde jatyr. Olardyń segizi – 65 jasqa deıingiler, taǵy 8 naýqastyń jasy 65-ten asqan. Naýqastardyń 5-eýi ókpeni jasandy jeldetý apparatyna qosylǵan. Barlyq naýqas densaýlyq saqtaý basqarmasynyń baqylaýyna alyndy. Sondaı-aq kún saıyn Nur-Sultan qalasyndaǵy Ulttyq medısınany úılestirý ortalyǵynyń, ózge de beıindi mamandardyń konsýltasııalary ótkiziledi», dep habarlady basqarmanyń baspasóz qyzmetinen.
