Ony Eýropadaǵy eń eski parlamentaralyq ınstıtýttaǵy jetekshi qyzmetke saılanýymen quttyqtaı otyryp, Qazaqstannyń Strasbýrgtaǵy Bas konsýly Ánýarbek Ahmetov bıylǵy táýelsizdiktiń 30-jyldyǵyn atap ótip jatqan elimizde bolyp jatqan qaıta qurýlar týraly aıtty.
«Halyq únine qulaq asatyn memleket» qurýdyń mańyzdylyǵymen kelise otyryp, EKPA Hatshylyǵynyń basshysy Qazaqstan basshylyǵynyń zańnyń ústemdigin qamtamasyz etý, azamattyq qoǵamnyń rólin kúsheıtý jáne kóppartııalyq júıeni qalyptastyrý jónindegi jalpy ustanymyn qanaǵattanýshylyqpen atap ótti.
Saıası reformalardy qarastyra otyryp, EKPA Bas hatshysy ólim jazasyn joıý arqyly Qazaqstan búkil aımaq úshin jáne Uıymnyń keıbir músheleri úshin úlgi boldy dep málimdedi.
Taraptar sonymen birge Qazaqstan Parlamenti men Parlamenttik assambleıa arasyndaǵy yntymaqtastyqty damytý perspektıvalaryn egjeı-tegjeıli talqylady. Pandemııaǵa qaramastan, parlamentaralyq baılanystar kúsheıtiledi. Qazaqstandyq depýtattar eýropalyq áriptesterimen kóptegen máseleler boıynsha senimdi, syndarly dıalog qurýǵa múddeli ekendigi basa aıtyldy.
