Aımaqtar • 02 Sáýir, 2021

Batys Qazaqstanda 3 myńnan astam medısına qyzmetkeri ekpe saldyrdy

18 ret kórsetildi

Batys Qazaqstan oblysynda 3 myńnan astam medısına qyzmetkeri indetke qarsy ekpe saldyrdy, dep habarlaıdy Egemen.kz

Oblystyq densaýlyq saqtaý basqarmasy basshysynyń orynbasary Gúlnár Ábdirahmanova óńirlik kommýnıkasııalar qyzmeti alańynda ótken brıfıngide: «Osy ýaqytqa deıin óńirge 9500 doza vaksına jetkizilse, sonyń 5250-i – birinshi, 4250-i – ekinshi komponent. Gúlnár Maqsotqyzynyń sózine qaraǵanda, kúni búginge deıin 5243 adam birinshi komponentpen (99,9 paıyz) egilip úlgerdi. Sonyń 3027-si nemese 57,7 paıyzy – medısına qyzmetkerleri, 1222-si (23,3 paıyzy) – pedagogtar, 275-i (5,2 paıyzy) – quqyq qorǵaý organdarynyń qyzmetkerleri, 719-y (13,8 paıyzy) – basqa adamdar», dep aıtyp ótti.

«Vaksınasııa keste boıynsha júrgizilýde. Aldymen koronavırýs juqtyrý deńgeıi joǵary sala ókilderi ekpe alýda. Ár kezeń tolyq qamtylǵan saıyn halyqtyń qalǵan bóligine kezek keletin bolady», dedi G.Ábdirahmanova.

Osy kezge deıin óńirde 15250 adam indet juqtyrsa, sonyń 12367-si nemese 81,1 paıyzy jazylyp shyqty. Oblysta 241 adam kóz jumdy. Jyl basynan beri 73 adam (qańtarda – 28, aqpanda – 15, naýryzda – 30) qaıtys bolsa, sonyń 39-y – áıelder, 34-i – erler. 61-i qalada, 12-si aýdandarda ómirden ozdy. Qazirgi tańda 195 tósektik 4 karantındik stasıonarda 11 adam emdelýde. Al 696 tósektik 9 ınfeksııalyq stasıonarda jatqandar sany 410-ǵa jetti. Sonyń ishinde 22-si jansaqtaý bólimshesinde em alyp jatyr.

«Aýrýdyń alǵashqy belgileri baıqalǵan boıda eshqaıda barmaı, úıge dárigerdi shuǵyl shaqyrtý kerek. О́ıtkeni emhanalarda kezek kútkende, kóshede ınfeksııany basqa adamdarǵa juqtyrý qaýpi joǵary. Sondaı-aq ózi qosymsha aýrý jamap alýy múmkin. Bul derttiń asqynýyna, tipti ólimge soqtyrýy yqtımal. Betperde rejimin, áleýmettik araqashyqtyqty saqtap, adamdar kóp jınalatyn qoǵamdyq oryndarǵa barýdan aýlaq bolyp, sonymen qatar ózge qalalarǵa sapar shegýdi toqtata turý qajet», dedi G.Ábdirahmanova.

Sońǵy jańalyqtar

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Jem-shóp daqyldarynyń alqaby uǵaıtyldy

Qazaqstan • Búgin, 12:30

Uqsas jańalyqtar