Oǵan «qaýipsizdik qyzmetiniń qyzmetkerimin» jáne banktiń «menedjerimin» dep tanystyrǵan belgisiz er adam men qyz habarlasqan. Olar 7 mınýt buryn onyń atyna bóten adamnyń iri kólemde nesıe resimdelgenin aıtyp, sendirgen jáne «alaıaqtardyń áreketterinen qorǵaný úshin» oǵan «esepshotty jańartý» qajettigin, ıaǵnı depozıtten aqshany alyp, jańa ashylǵan esepshotqa salý qajet ekenin aıtqan. Aldymen jábirlenýshi habarlasqan adamdarǵa senbegen, bank fılıalyna baratynyn habarlaǵan. Biraq qylmyskerler ony bulaı jasamaýǵa kóndiredi. Alaıaqtardyń aıtqanyna sengen áıel olardyń nusqaýyn túgel oryndap, óziniń 7 mln teńgeden astam aqshasyn, alǵan nesıesin birneshe Qiwi-ámııannyń esepshottaryna aýdaryp jibergen.
Jalpy alǵanda, qylmyskerler 11 mln 865 myń teńgeni qoldy etken. Bul asa iri kólemde keltirilgen shyǵyn bolyp tabylady. Jábirlenýshi polısııaǵa júgindi. Bul fakti Qylmystyq kodekstiń 190-baby 4-bóligi «Alaıaqtyq» boıynsha Sotqa deıingi tergep-tekserýdiń biryńǵaı tizilimine engizildi. Krımınaldyq polısııa qyzmetkerleri jedel-izdestirý sharalaryn júrgizip jatyr.
«Búginde «banktiń qaýipsizdik qyzmetinen qońyraý» shalý arqyly aldaý shemasy eń kóp taralǵan aldaý tásilderiniń biri bolyp tabylady Bul tásildi kóptegen adamdar biledi. Soǵan qaramastan, keıde qaskóıler ózderiniń qurbandaryna psıhologııalyq qysym jasaý arqyly sheberlik tanytady. Bul jaǵdaıda jábirlenýshi bank fılıalyna baryp, shottyń jaǵdaıy jaıly senimdi aqparat kózinen bilýge sheshim qabyldasa, ózin alaıaqtardan qorǵar edi. Kez kelgen jaǵdaıda este saqtaý mańyzdy: naqty bank qyzmetkerleri qandaı jaǵdaı bolmasyn, eshqashan klıentterge qarjylyq operasııalar jasamaıdy, qupııa derekterdi ataýdy talap etpeıdi», deıdi SQO Polısııa departamenti Krımınaldyq polısııa basqarmasy bastyǵynyń orynbasary polısııa podpolkovnıgi Marat Jumalıev.
Oblysta jyl basynan beri jalpy 202 ınternet-alaıaqtyq tirkeldi. Onyń 52-si «Banktiń qaýipsizdik qyzmetinen qońyraý shalý» shemasyna negizdelgen.
