- Bastapqyda biz medısına qyzmetkerlerin, mektep, ınternat muǵalimderin, áleýmettik mekemeler jáne polısııa qyzmetkerlerin vaksınasııaladyq. Olarǵa egý júrgizý aıaqtalyp keledi. 2 sáýirden bastap sozylmaly aýrýlary bar dıspanserlik toptaǵy pasıentterdi vaksınasııalaýǵa kiristik, - dedi G.Rogatovskaıa.
Epıdemıolog dáriger olardyń otandyq vaksınanyń 2200 dozasyn alǵanyn jáne onymen sátti jumys istep jatqanyn aıtty. Galına Rogatovskaıa vaksınany kvınkı isinýi bar, júkti jáne bala emizetin adamdarǵa jasaýǵa bolmaıtynyn aıtyp, tolyqtyrdy. Vaksınasııaǵa 18 jasqa deıingi balalar jiberilmeıdi. Sonymen birge, koronavırýsqa qarsy vaksınany 63 jastan asqan adamdarǵa jasaýǵa ruqsat etiledi.
17-emhananyń dárigeri vaksınanyń úsh kún ishinde keri áseri bolýy múmkin ekenin, jáne olardy asqyný dep ataýǵa kelmeıtinin aıtty. Bul qaltyraý, deneniń syrqyraýy, dene temperatýrasynyń azdap kóterilýi.
- Bizdiń derekterimiz boıynsha, ekpe saldyrǵandardyń 25-30 %-da osy belgiler baıqalýda. Qalǵandarynan shaǵymdaný bolǵan joq. Aýyr belgileri de tirkelgen joq, - dedi dáriger.
Halyqqa ekpe júrgizý 2 sáýirden bastaldy, oǵan deıin sozylmaly aýrýlary bar naýqastarǵa medısınalyq aqparattyq júıe arqyly shaqyrý jiberilgen bolatyn. Eki kúnde 1300 adam egildi.
Vaksına saldyrǵandar qatarynda tek qazaqstandyqtar ǵana emes, turǵylyqty meken-jaıy men tirkelgen medısınalyq uıymdaryna qaramastan, sheteldik azamattar da bar.
Almaty emhanalary koronavırýstan vaksına alǵysy keletin barlyq adamdar úshin ashyq.
Dáriger vaksınasııalaý kezeńimen baılanysty suraqtarǵa jaýap berdi. Onyń aıtýynsha, ol eki komponentti, sol sebepti eki ekpeniń arasyndaǵy aıyrmashylyq 21 kúndi quraıdy. Úzilisti 7 kúnge deıin úzýge ruqsat etiledi. Pasıent aýyryp qalǵan jaǵdaıda, 60 kúnge deıin úzilis jasaý múmkindigi bar. Vaksına alǵannan keıin ımmýnıtet ekinshi komponentti alǵannan keıin 42 kún ótken soń qalyptasady.
Esterińizge sala keteıik, megapoıste josparly vaksınasııa júrgizý úshin 250 pýnkt, onyń ishinde iri saýda nysandarynda barlyq epıdemııalyq talaptardy qatań saqtaı otyryp ashý josparlanýda.
