«Jyldamdyqty tym asyrǵan RX300 júrgizýshisi belgisiz sebeppen qarsy baǵytqa shyǵyp ketip, Volkswagen Golf kóligin soqty. Lexus onymen toqtamaı, qarsy baǵyttaǵy jolda kele jatqan Pontiac Vibe kóligin bir túırep ótip, jyldamdyǵy basylmaǵan kúıi Audi 100 kóligin qosa soqty. Qatty soqqydan Audi aýdarylyp qaldy. Odan keıin Lexus baryp Hyundai Accent kóligin soǵyp, aýdarylǵan», dep habarlady oblystyq Polısııa departamentiniń baspasóz qyzmeti.
Apat saldarynan úsh adam qaza tapty. «Audi» kóliginde otyrǵan júrgizýshi men men onyń jolaýshysy oqıǵa ornynda kóz jumdy.
Keıinirek aýrýhanada «Hyundai» júrgizýshisi de jan tapsyrdy. Al Lexus júrgizýshisi men onyń eki jolaýshysy túrli dene jaraqattarmen О́tegen batyr kentindegi aýrýhanaǵa jatqyzyldy. Atalǵan derek QR QK 345-baby, 4-bóligi boıynsha sotqa deıingi tergeý bastaldy. Tıisti saraptamalar taǵaıyndaldy.Tergeý barysynda oqıǵanyń naqty sebepteri men mán-jaıy anyqtalady.
