Sonymen qatar mınıstr Shárbaný Beısenovany jýyrda «Uly Dala arýlary» serııasynyń úshinshi kitaby - «Urpaǵyna uran bolǵan analar» atty tanymdyq-kópshilik jınaǵynyń jaryq kórýimen quttyqtady.
Shárbaný Beısenova 1947 jyly 14 qazanda Shyǵys Qazaqstan oblysy, Ulan aýdanynda dúnıege kelgen.
1969 jyly əl-Farabı atyndaǵy qazaq ulttyq ýnıversıtetin təmamdaǵan.
Eńbek jolyn 1968 jyly qazirgi «Parasat» (burynǵy «Mádenıet jáne turmys») jýrnalynda ádebı qyzmetker retinde bastap, keıinnen bólim meńgerýshisi bolǵan. 1980 jylydan bastap «Qazaqstan áıelderi» jýrnalyna bólim meńgerýshisi, Qazaqstan Respýblıkasy Aqparat mınıstrliginiń Baspa isteri jónindegi departamentinde bas maman, «Qazaq ádebıeti» gazetinde «Kitap álemi» qosymshasynyń redaktory qyzmetin atqarǵan.
«Topjarǵan qyzdar» (1985), «Sezimtal júrek» (1988), «Taǵylymdy taǵdyrlar» (2002), «Súzgeniń sońǵy kúnderi» (2008) kitabynyń avtory.
«Urpaǵyna uran bolǵan analar» atty tanymdyq-kópshilik – «Uly Dala arýlary» serııasynyń úshinshi kitaby. Qurastyrǵandar: Shárbaný Beısenova men Janat Áskerbekqyzy. Budan buryn «Súıinbıke – uly dala arýy», «Bozoq arýy» atty eki kitap jaryq kórgen. Joba jáne ıdeıa avtory - Shárbaný Beısenova.
Kitapqa el tarıhynda esimi erekshe atalatyn aıaýly analarymyzdyń ultqa úlgi, urpaqqa ónege bolarlyq taǵlymdary, eldikti nyǵaıtýdaǵy erekshe is-áreketteri týraly tanymdyq jazbalar engizilgen.
Kitap úsh bólimnen turady: «Asyl tekti áziz analar» atty I bólimde Bórte hanym, Aqsulý – Álpesh ana, Nurıla (Domalaq) ana, Bolǵan ana, Juban ana, Rábııa Sultan begim, Jaǵan bıkem, Bopaı hanym týraly; «Esimi rý-taıpa ataýyna shyqqan analar» atty II bólimde Qyzaı ana, Muryn ana, Abaı ana, Tasbıke. Táttibıke t.b. týraly; «El jadyndaǵy ańyz analar» atty III bólimde Qarqabat ana, Maraý, Jupar, Sylandy, Daraboz, Qoısana ana, Qalamqas apa, Bopaı hansha, Aıǵanym ana, Zere áje týraly jazba toptastyrylǵan.
