60 kılo salmaqtaǵy Ǵusman Qyrǵyzbaev tusaýkeser kezdesýinde aýstralııalyq Djoshýa Ketske ese jibergen jaıynda aıtqanbyz. Kóp keshikpeı Eldos Smetov te kóremender qataryna qosyldy. Alǵashqy aınalymda ıordandııalyq Bilál Almansaýrdy utqan ol kelesi kezeńde qyrǵyzstandyq Qýanyshbek Aıbekulynan aılasyn asyra almady. Jubanysh básekesinde Eldos Ǵusmandy jolynan yǵystyrǵan jasyl qurlyq ókilinen jeńildi.
Esesine 66 kılo salmaqtaǵy Eldos Jumahanov jartylaı fınalǵa shyqty. Bastapqy básekelerde qandasymyz fılıppındik Shýgen Nakano men aýstralııalyq Natan Ketsti qapy qaldyrdy. Endi ol Ońtústik Koreıanyń dańqty dzıýdoshysy An Baýlmen kúsh synasady.
Áıelder arasyndaǵy asa jeńil salmaqta Ábıba Ábýjaqynova úsh kezdesýin de jeńispen aıaqtady. Qazaq qyzynyń qyrǵyzstandyq Janar Joldasheva, úndistandyq Devı Lakmabamnan mereıi ústem boldy. Jartylaı fınalda Ábıba ózbekstandyq Gúlnur Muratbaevany qapy qaldyrdy. Fınalda Ábýjaqynova qytaılyq Lı Iаnnamen beldesedi.
57 kılo salmaqtaǵy Sevara Nıshanbaeva Qyrǵyzstannyń dzıýdoshysy Abına Qoshqonbaevadan basym túsip, jartylaı fınalǵa joldama aldy. Bul mejede ol Qytaı sportshysy Lý Tonjýanmen sheberlik baıqasady.
