Sport • 06 Sáýir, 2021

Karlsrýede boks keshi ótedi

30 ret kórsetildi

17 sáýirde Germanııanyń Karlsrýe qalasynda kásipqoı boks keshi ótedi. Aıtýly jarysta qazaqtyń beldi bylǵary qolǵap sheberi Aıdos Erbosynuly da óner kórsetedi, dep habarlaıdy Egemen.kz.

Birden aıta keteıik, bul kóp jekpe-jekterdiń biri emes. Ekinshi orta salmaqtaǵy Erbosynuly kásipqoı rıngte 2015 jyldan beri kúsh synasyp júr. Sol kezden beri 15 ret sharshy alańǵa shyǵyp, barlyq básekede mereıi ústem boldy. 10 qarsylasyn nokaýtpen utty. Qazaqstannan bólek, ol Ýkraına, AQSh, Aýstralııa, Reseı jáne Belarýs elderinde judyryqtasty. Sońǵy kezdesýin qandasymyz byltyrǵy jyldyń 16 jeltoqsanynda Nur-Sultanda ótkizip, ganalyq Isa Samırdi úshinshi raýndta tehnıkalyq nokaýtpen utty. Qazirgi kezde Aıdos WBC Asian, WBA International jáne WBO Global nusqasynyń altyn belbeýiniń ıegeri. Qanat Oraqbaevtyń shákirti endi reseılik Evgenıı Shvedenkomen sheberlik baıqasady. Bul jekpe-jekte jeńiske jetken boksshy IBF nusqasynyń chempıondyq ataǵy úshin saıysqa túsedi. Qazaqtyń qaısar uly osy tamasha múmkindikti qalt jibermeıdi degen oıdamyz.

Aıdos Erbosynulynyń qarsylasy jaıynda aıtar bolsaq, 30 jastaǵy Evgenıı Shvedenko Reseıdiń Qıyr shyǵysynda dúnıege kelgen. Kásipqoılar arasynda judyryqtasyp júrgenine alty jylǵa jýyqtady. Sol aralyqta15 kezdesý ótkizip, barlyǵyn jeńispen aıaqtaǵan ol alty básekede aıqyn basymdyq tanytty.

Sońǵy jańalyqtar

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar