«Aldaǵy aptanyń sınoptıkalyq boljamdaryna keletin bolsaq, Batys Qazaqstan, Aqtóbe, Qostanaı, Soltústik Qazaqstan, Qaraǵandy, Shyǵys Qazaqstan, Pavlodar oblystarynda aýa raıynyń kúndizgi teperatýrasy +15, +20 gradýsqa, keıbir jerlerde +23 gradýsqa deıin kóterilip, túnde +3,+5 gradýs jyly bolady degen boljam bar. Atalǵan jaıt qardyń erý prosesin odan ári kúsheıtip, muz qursaýlaryn qozǵaltyp, sý deńgeıin kóterýi múmkin. Sáýir aıynyń II jáne III toqsanynda atalǵan aımaqtarda aýa temperatýrasy joǵarylap, kúndiz +5, +10 gardýs aralyǵynda, túnde +10 gardýsqa deıin kóteriledi dep boljap otyrmyz. Biraq sáýirdiń aýa raıy qubylmaly bolǵandyqtan, keıbir kúnderi kúrt sýytýyn kútip otyrmyz. Atap aıtsaq, kúndizgi temperatýra +3, +8 gardýsqa deıin tússe, túnde 0,-9 gardýs shamasynda boljanady», dedi Dıdar Jánibekuly.
Ol kúnniń bulaısha qubylýy tasqyn qaýpin jıiletetinin eskertti.
«Qaıtalap aıtqym keledi. Elimizdiń basym aımaqtarynda qardyń erýinen sý basý qaýipteri bolyp jatyr. Aldaǵy táýlikterde aýa raıynyń kúrt jylynyp, jaýyn-shashynnyń kóbeıýinen elimizdiń basym aımaǵynda sý deńgeıi kóteriledi dep boljamdap otyrmyz», dedi maman.
