Eldiń Qorǵanys mınıstrligi Túrkııanyń Áýe kúshterine tıesili NF-5 joıǵysh ushaǵy jergilikti ýaqyt boıynsha saǵat 02:15-te Kónıa qalasynyń ortalyǵynda jattyǵý kezinde qulaǵanyn jetkizdi.
Ázirge apattyń sebepteri belgisiz. Apattyń mán-jaıyn tergeý bastaldy. Aldyn ala aqparattar boıynsha ushaq Túrkııanyń áýe kúshteriniń «Túrik juldyzdary» áskerı ushqyshtar tobyna tıesili delingen.
Ushaq qulaǵan jerde Qarataı okrýginiń Fevzı Chakmak aýdanynda apattyq brıgadalar jumys istep jatyr. Osy oraıda Túrkııa prezıdenti Rejep Taıyp Erdoǵan Twitter paraqshasynda qaza tapqan ushqyshtyń otbasy men týystaryna kóńil aıtty.