Qazir oblysta koronavırýs ınfeksııasyn juqtyrýshylar sany azaımaı otyr. Sonyń saldarynan «sary» aımaqqa endi.
Sáýir aıynyń alǵashqy aptasynda 201 jaǵdaı tirkeldi. Aldaǵy ýaqytta bul kórsetkish tómendemese karantın talaptary kúsheıtiledi.
«Bizdi 1 jasqa deıingi sábıler men mektep jasyndaǵy balalardyń aýrý juqtyrýy alańdatýda. Aýdandarda da jaǵdaı kúrdelenip barady. Bul saqtyq sharasyna salǵyrttyq tanytýdyń saldary. Osylaı jalǵasa berse karantın talaptaryn kúsheıtýge májbúr bolamyz», dedi oblystyq sanıtarııalyq-epıdemııalyq baqylaý departamenti basshysynyń orynbasary Álııa Ábdiqaıymova.
Búginde monıtorıng toptary karantın talabynyń saqtalýyn qadaǵalaý maqsatynda kún saıyn tekseris júrgizip jatyr.
Atalǵan jumys aıasynda myńnan asa nysan men úıler aralanyp, karantın buzǵandarǵa ákimshilik shara qoldanylýda.
