Úkimet • 09 Sáýir, 2021

Saıası qýǵyn-súrgin qurbandaryn aqtaý jónindegi komıssııanyń aldaǵy mindetteri qandaı?

33 ret kórsetildi

Premer-Mınıstrdiń orynbasary Eraly Toǵjanov saıası qýǵyn-súrgin qurbandaryn aqtaý jónindegi komıssııanyń aldaǵy mindetter atady, dep habarlaıdy Egemen.kz

«Halqymyzda «ótkenge salaýat, keleshekke amanat» degen ataly sóz bar. О́tken tarıhymyzdyń jaqsy jaqtary bolǵanymen aqtańdaq tustary da az emes. Sol sebepti elimizdiń Táýelsizdiginiń 30 jyldyǵy aıasynda qoǵamymyzdy kópten tolǵandyryp, kóterilip júrgen tarıhtyń aqtańdaq tustaryn aıqyndap, jazyqsyz sottalǵan, qýǵyn-súrginge ushyraǵan azamattardy aqtaý elimizdiń, halqymyzdyń, qoǵamnyń aldynda turǵan úlken mindet retinde qarastyrýǵa bolady», dedi Eraly Toǵjanov Ortalyq kommýnıkasııalar qyzmetindegi baspasóz máslıhatynda.

Bul rette Eraly Toǵjanov Prezıdent Qasym-Jomart Toqaevtyń arnaýly Jarlyǵymen Saıası qýǵyn-súrgin qurbandaryn tolyqtaı aqtaý jónindegi memlekettik komıssııa qurylǵanyn atap ótti.

«Memlekettik komıssııa elimizge belgili tarıhshy ǵalymdardyń, qoǵam qaıratkerleriniń, Parlament deptýtattarynyń jáne memlekettik organdardyń ókilderinen – 49 adamnan turady. Jalpy memlekettik komıssııanyń aldynda birneshe naqty mindetter bar. Birinshiden, saıası qýǵyn-súrgin qurbandaryna qatysty tarıhı ádildikti qalpyna keltirý máseleleri. Ekinshiden, jazyqsyz sottalǵan jáne saıası qýǵan-súrginge ushyraǵandardy aqtaý prosesterin ǵylymı zerdeleý. Sonymen qatar jabyq muraǵattardaǵy qýǵyn-súrgin jónindegi materıaldardyń zertteýshilerge qoljetimdi bolýyn qamtamasyz etý máselesi de aldymyzda turǵan úlken suraqtardyń biri. Munan bólek, elimizdiń azattyǵy, táýelsizdigi men tutastyǵy úshin kúreste erlik kórsetken saıası qýǵyn-súrgin qurbandaryn máńgi este qaldyrý boıynsha da usynystar ázirleý sııaqty mańyzdy mindetter júktelip otyr. Komıssııaǵa Memlekettik hatshy Qyrymbek Kósherbaev jetekshilik etedi. Jarlyqqa sáıkes, komıssııanyń jumys organy retinde Bilim jáne ǵylym mınıstrligi bekitilgen», dedi Úkimet basshysynyń orynbasary.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar