Abaı • 09 Sáýir, 2021

Tbılısıde grýzın tilindegi Abaı óleńderiniń jınaǵy jaryq kórdi

27 ret kórsetildi

Grýzııa Jazýshylary úıinde qazaqtyń aqyny jáne oıshyly Abaı Qunanbaıulynyń grýzın tilinde alǵash basylyp shyqqan óleńder jınaǵynyń tusaýkeseri ótti. Is-sharaǵa Grýzııanyń Mádenıet mınıstrligi men Jazýshylar odaǵynyń, ádebı toptarynyń, sondaı-aq Qazaqstan elshiliginiń ókilderi qatysty, dep habarlaıdy Egemen.kz SIM baspasóz qyzmetine silteme jasap.

Abaı óleńderiniń aýdarmashysy, Grýzııa Jazýshylar odaǵynyń tóraıymy, memlekettik syılyqtardyń laýreaty Makvala Gonashvılı óz sózinde qazaq halqynyń ulttyq bolmysy, rýhy men dúnıetanymyn qamtıtyn  Abaı shyǵarmashylyǵynyń jan-jaqtylyǵy men tereńdigin, onymen tanysý eki mádenıettiń ózara baıýy men halyqtardyń jaqyndasýyna qyzmet etetinin atap kórsetti.

Qazaqstan elshiliginiń keńesshisi Gúlmıra Sultanálı Abaı shyǵarmashylyǵy men ıdeıalarynyń táýelsizdik kezeńinde,  elimizdi jańǵyrtý sheńberinde asa ózekti jáne úlken suranysqa ıe ekendigin atap kórsetti.

Bul keshte ádebıetshilerdiń nazaryna Qazaqstan men Grýzııada basylyp shyǵarylǵan Makvala Gonashvılı men Ǵalym Jaılybaıdyń óleńder jınaqtary da usynyldy.

Grýzın jazýshylary Abaı óleńderiniń grýzın tilindegi aýdarmasyna joǵary baǵa bere otyryp, eki eldiń shyǵarmashylyq qaýymdastyqtary arasyndaǵy yntymaqtastyqty jalǵastyrýdyń, onyń ishinde  qazaq jáne grýzın aqyndary men jazýshylary týyndylarynyń eki tildi jınaǵyn shyǵarýdyń mańyzdylyǵyn atap ótti.

Qazaqstandyq dıplomattar Grýzııa Jazýshylar odaǵyna qazirgi qazaq poezııasynyń jáne prozasy antologııalaryn syıǵa tartty.

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar