Sport • 10 Sáýir, 2021

Nursultan Tursynov Almatydaǵy týrnırdiń jeńimpazy atandy

21 ret kórsetildi

Almatydaǵy Balýan Sholaq atyndaǵy sport saraıynda grek-rım kúresinen Azııa qurlyǵy boıynsha ótken Olımpııa oıyndarynyń lısenzııalyq týrnıri aıaqtaldy, dep habarlaıdy Egemen.kz

Keshe grek-rım kúresi sheberleri boz kilemge shyqty. Osydan eki jyl buryn Nur-Sultanda ótken álem chempıonatynda Olımpıadanyń alǵashqy joldamalary sarapqa salynǵan bolatyn. Sol jarysta 60 kılo salmaqtaǵy Meırambek Aınaǵulov pen 77 kılo salmaqtaǵy Ashat Dilmuhamedov Kún shyǵys eline sapar shegetinderdiń sanatyna qosylǵan edi. Kelesi irikteý synyn Almaty qabyldady. О́z elimizde ótip jatqan jarysta qalǵan tórt joldamany ıelený úshin bizdiń balýandar baryn salady dep úmittendik. Biraq úkili úmitimiz aqtalmady. 67 kılo salmaqta beldesken Meıirjan Shermahanbet sheshýshi synda shabysynan jańyldy. Álem chempıonatynyń qola júldegeri degen ataǵy bar qandasymyz esimi kópshilikke beımálim qyrǵyzstandyq balýan Marlen Asıkeevten oısyraı utyldy. Esep – 2:8.

97 kılo salmaqtaǵy Oljas Syrlybaı men Ońtústik Koreıanyń ókili Seıol Lı arasyndaǵy saıysta teń esep tirkeldi – 1:1. Ereje boıynsha qos balýan teń túsken jaǵadaıda sońǵy upaıdy kim alsa, jeńis sonyń enshisine jazylady. Bul rette Lıdiń baǵy jandy.

Asa aýyr salmaqta Georgıı Sýrsýmııa aıqasty. Jasy 40-tan asqan ardager balýannyń úlken sporttan qol úzgenine 13 jyl boldy. 2004 jyly onyń Afıny Olımpıadasynda kúmis medaldi ıelengenin jankúıerler umyta qoıǵan joq. Odan bólek, Sýrsýmııanyń álem chempıonatynyń qola júldegeri, Azııa oıyndarynyń jeńimpazy, qurlyqtyń tórt dúrkin chempıony degen ataqtary taǵy bar. Arada 17 jyl ótkennen soń ol qaıta Olımpııa oıyndarynda kúsh synasýdy maqsat tutty. Biraq jalyndy jastar saqa sportshyǵa ondaı múmkindik bermedi. Alǵashynda koreıalyq Mınsok Kımnen, kóp uzamaı qytaılyq Lındze Mengten utylǵan Georgıı jarys jolynan shyǵyp qaldy. Osylaısha, úsh balýanymyz Alash topyraǵynda ótken jarysta óz jankúıerlerin jerge qaratty.

Jerlesterimizdiń arasynan Nursultan Tursynovtyń ǵana joly boldy. Shırek fınalda ol japonııalyq Masato Sýmımen sheberlik baıqasty. Báseke barysynda 0:3 esebimen utylyp jatqan qazaq jigiti ekinshi kezeńdi jeńisti qarsylasynyń ýysynan julyp áketti. Jartylaı fınaldyq saıysta da joǵarydaǵy jaǵdaı aına-qatesiz qaıtalandy. Úziliske deıin Sýshıl Qumar qandasymyzdan ush upaı ozyp turdy. Bul jaǵdaı Nursultannyń jigerin jasyta alǵan joq. Ekinshi kezeńde Úndi eliniń ókilin tórttaǵannan julyp alǵan ol ońtaıly ádisin júzege asyrdy. Nátıjesinde 9:5 esebimen jeńiske jetken Tursynov Tokıoǵa baratyndardyń tizimine qosyldy. Fınalda qytaılyq Feı Peng boz kilemge shyǵýdan bas tartty. Osylaısha, Nursultan Tursynov Olımpıada joldamasymen qosa, altyn meadldi jeńip aldy.

Sońǵy jańalyqtar

Qarýly Kúshterimiz osylaı qurylǵan

Qazaqstan • Búgin, 08:05

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

Tarıhı shyndyqty moıyndaǵan jazba

Tarıh • Búgin, 07:35

«Tumardyń» jeńimpazdary anyqtaldy

Oqıǵa • Búgin, 07:33

О́zekti máselelerge nazar aýdaryldy

Parlament • Búgin, 07:26

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar