Kúres • 10 Sáýir, 2021

Tatıana Ahmetova Olımpıada joldamasyn ıelendi

95 ret kórsetildi

Dáp qazirgi kezde Almatydaǵy Balýan Sholaq atyndaǵy sport saraıynda áıelder kúresiniń ókilderi Tokıo Olımpıadasynyń lısenzııalaryn sarapqa salyp jatyr, dep habarlaıdy Egemen.kz

Aıtýly dodada Qazaqstannyń tórt balýany boz kilemge shyqqan edi. О́kinishke qaraı, Emma Tısına (57 kılo) men Jamılıa Baqbergenova (68 kılo) eki kezdesý de jeńilistiń kermek dámin tatyp, jarys jolynan shyǵyp qaldy.   

Al 53 kılo salmaqta óner kórsetken Tatıana Ahmetova barsha qazaqstandyq jankúıerlerdi qýantyp, Olımpıada joldamasyna ıelik etti. Bastapqy básekelerde tájikstandyq Vatansultan Shakarshoeva men mońǵolııalyq Bolotýıa Bat Ochırdi utqan ol jartylaı fınalda koreıalyq Kım Hen Djýdy jeńdi. Osy oraıda, sońǵy eki básekede jaraqaty janyna batqanyna qaramastan Tatıana jeńisti qarsylastarynyń ýysynan julyp áketkenin aıta ketýge tıispiz.

62 kılo salmaq dárejesinde kúresken Aıaýlym Qasymovanyń da joldama alýǵa jaqsy múmkindigi boldy. Biraq jartylaı fınalda ol úndistandyq Sonam Sonamǵa jol berdi. 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar