Aımaqtar • 10 Sáýir, 2021

«Nur-Sultan – Temirtaý» tas jolyn sý shaıyp ketti

149 ret kórsetildi

Qaraǵandy oblysynyń Nura aýdanynda erigen qar sýynyń moldyǵynan «Nur-Sultan – Qabanbaı batyr – Nura – Temirtaý» avtojolynyń 104-shi jáne 122-shi shaqyrym aralyǵyn sý basty, dep habarlaıdy Egemen.kz

Nura jáne Osakarov aýdandary aýmaǵyndaǵy sý tasqyny jaǵdaıy erekshe baqylaýda. 122-shi shaqyrymda qysqa merzimge jalǵasqan sý basý jaǵdaıy toqtatyldy. 104-shi shaqyrymda kólik qozǵalysy shekteldi. Sıgnaldyq belgiler qoıyldy.

Sý basýdy joıý boıynsha jumystar júrgizilýde. Al «Qaınar – Amantaý» aýdandyq mańyzy bar avtojoldyń 7-shi shaqyrymynda sý joldy shaıyp ketken. Jergilikti atqarýshy organdar kezekshilik uıymdastyrdy.

«Nura aýdanynda arnasynan asqan Qon ózeniniń aýmaǵynda Nyǵman jáne ishinara Aqtúbek eldi mekenderi qalyp otyr. Qorǵanys sharalary aldyn ala júrgizildi. Eldi mekenderge qaýip joq. Al Nura aýdanynyń Barshyn jáne Kenjaryq aýyldyq okrýgteri aýmaǵynda muz keptelisin boldyrmaý maqsatynda Qulanótpes jáne Jaman-Qon ózenderiniń úsh ýchaskesinde muzdy usaqtaý jumystary júrgizildi. Sý tasqyny jaǵdaıy oblystyq sý tasqynyna qarsy jedel shtabtyń baqylaýynda», dep habarlady Qaraǵandy oblysy TJD baspasóz qyzmetinen.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar