Bilim jáne ǵylym mınıstrliginiń Mektepke deıingi jáne orta bilim berý komıtetiniń tóraıymy Maıra Meldebekova, «Bóbek» ortalyǵynyń bas dırektory Elena Sákenova, «AÚDUI» KeAQ prezıdentiniń mindetin atqarýshy Irına Kalacheva jáne «Bóbek» ortalyǵyna qarasty observatorııanyń dırektory Raısıa Kýdıakova alǵysóz sóıledi.
Qazaqstan Respýblıkasynyń ǵaryshkeri, áskerı-áýe kúshteriniń general-maıory, Halyq Qaharmany, «Qazaqstan ǵarysh sapary» Ulttyq kompanııasy tóraǵasynyń orynbasary Aıdyn Aıymbetov 60 jyl buryn «Baıqońyr» kosmodromynan Iýrıı Gagarın «Vostok-1» kemesimen ǵaryshqa attanǵanyn aıtty. «Bul elimiz úshin erekshe mereke boldy. Iаǵnı Iýrıı Gagarın alǵash ret ǵaryshqa qazaq jerinen ushty. Ol jer sheginen shyqqan tuńǵysh adam bolyp, adamzat úshin jańa kezeńdi ashty. Bul kún zor gýmanıstik mańyzǵa toly», dedi ol.
Ǵaryshtyq qyzmettiń damýy – Qazaqstan úshin basekege qabilettiligi zor jáne elimizdiń qarqyndy ındýstrıalandyrýdyń myqty faktorynyń biri. Qazaqstan-2030 jylǵa ǵaryshtyq qyzmet kórsetýdiń dúnıejúzilik naryǵynda óz qoldanys aıasyn keńeıtýi tıis.
Elena Sákenova rýhanı-adamgershilik bilim berý baǵdarlamasynyń avtory Sara Nazarbaevanyń bastamasymen 2009 jyly «Bóbek» ortalyǵynda biregeı bilim berý observatorııasynyń ashylǵanyn aıtty. 2010 jyldan bastap sońǵy 10 jyl ishinde «Bóbek» ortalyǵynyń observatorııasynda 79 respýblıkalyq (6 708 qatysýshy) jáne 50 halyqaralyq (377 qatysýshy) is-shara ótti. 2 092 qatysýshy respýblıkalyq sharalardyń, 148 qatysýshy halyqaralyq is-sharalardyń júldegeri atandy.
Observatorııanyń «Bóbek» ortalyǵynyń qurylymdyq bólimshesi bolyp, ǵaryshtyq baǵyt boıynsha bilim berý baǵdarlamalaryn júzege asyratyny týraly Raısıa Kýdıakova málimdedi. Ol forýmǵa qatysýshylardy teleskop, kompıýterler, robot-tehnıka sııaqty zamanaýı qurylǵylarmen jabdyqtalǵan observatorııa qyzmetiniń negizgi baǵyttarymen tanystyrdy. Sonymen qatar komandalar quramynda halyqaralyq astronomııalyq olımpıadalarǵa, týrnırlerge, baıqaýlar men konferensııalarǵa qatysatyn respýblıka mektepteriniń oqýshylary observatorııada daıyndyqtan ótetini aıtyldy.
Sondaı-aq osy jıynda pedogogıka ǵylymdarynyń doktory, G.Grechko atyndaǵy Nıjegorod planetarııiniń dırektory G.Mýromseva (Reseı), Astronomııa jáne astrofızıka boıynsha halyqaralyq olımpıadanyń úılestirýshisi V.Zagaınova (Kanada), Taras Shevchenko atyndaǵy Kıev ulttyq ýnıversıteti fızıka fakýltetiniń ınjeneri A.Sımon (Ýkraına) jáne taǵy basqa maman baıandama jasady.
ALMATY
