«Qazir kóńil kúıim kóterińki, jaqsy. Densaýlyǵyma eshqandaı áserin tıgizgen joq. Ineni salǵan kezde aýyratyny bar, sál aýyrsyný boldy. Medısına qyzmetkerlerinen jalpy nusqaýlyq surap aldym. 2-3 kún densaýlyǵymdy kútip, sýyqqa shyqpaı, maska kıip júrý syndy saqtyq sharalaryn oryndaıtyn bolamyn. Endi 21 kúnnen keıin ekinshi komponentin alamyn», dedi mınıstr.
Sonymen qatar Aıda Balaeva «Spýtnık V» vaksınasyn alǵanyn atap ótti.
«Qazaqstandyq vaksına synaqtyń úshinshi satysynan ótip jatqany belgili. Ony kútpeý úshin búgin reseılik Spýtnık V vaksınasyn saldyrdym», dedi Aıda Balaeva.
Aqparat mınıstriniń atap ótýinshe, ár adam óziniń azamattyq jaýapkershiligin sezine bilýi kerek. О́ıtkeni bul onyń ǵana densaýlyǵynyń emes búkil qoǵamnyń qaýipsizdigi.
«Tarıhı tájirıbe kórsetip otyrǵandaı, vaksınasııa – vırýsty jeńýdiń jalǵyz joly. Vaksına saldyrǵannan keıin de qaýipsizdik is-sharalaryn eshkim de ózgertip jibermegeni túsinikti. Qalypty ómirge oralýymyz, balalarymyzdy mektepke jibere alýymyz, jaqyndarymyzben kezdesip, otbasylyq, sonymen qatar memlekettik deńgeıdegi is-sharalardy ótkizýimiz úshin ujymdyq ımmýnıettiń qalyptasýy óte mańyzdy», dedi mınıstr.
