О́tken jyldardyń tájirıbeleri eskerilip, sý tasqynyna neǵurlym beıim oryndarda toptyń jeke quramyn shoǵyrlandyrý júrgizildi. Olar Rýzaevka jáne Chıstopole selolaryna jaqyn jerdegi Aqan – Burlyq, Sharyq jáne Jembaraq ózenderi. Sonymen qatar Ǵ.Músirepov aýdanynan ótetin Jembaraq jáne Esil ózenderiniń Toqsan bı selosy, Aıyrtaý aýdanynyń Konstantınovka selosynyń mańyndaǵy Babyq-Burlyq ózenshikteri. «Sý tasqynyna daıyndyq buryn ázirlengen is-sharalar josparyna sáıkes júrgizilýde. Bizdiń maqsatymyz - osy kúrdeli kezeńde jergilikti atqarýshy organdarǵa kómek kórsetý, eldimekenderdi qaýipti stıhııalyq qubylystardan qorǵaý. О́tken jyldyń tájirıbesine qaraǵanda bizdiń mamandarǵa muz kesýge, jergilikti turǵyndardy, júkter men azyq-túlikti muz júrip jatqan ózender arqyly ótkizýge týra kelýi múmkin», deıdi Ǵ.Músirepov atyndaǵy aýdanynda jumys isteıtin bólimsheni basqarýshy,azamattyq qorǵaý podpolkovnıgi Marat Syzdyqov.
Bul bólimsheler aýdandarda 7 sáýirden bastap jumys isteýde, al búgin, 12 sáýirde Ýálıhanov aýdanyna da jeke quramnyń 8 adamynan qosymsha kúshter men quraldar, Kulykól selosyna qaıyqpen motopompalar artqan KamAZ avtomobıli jiberildi.
