Aımaqtar • 14 Sáýir, 2021

Altyn buıymdardy qoldy etken jigit qolǵa tústi

440 ret

kórsetildi

1 mın

oqý úshin

Petropavl qalasynyń turǵyny polısııaǵa óziniń altyn buıymdary urlanǵanyn aıtyp júgingen. Shyǵyn somasy aıtýyna qaraǵanda 500 myń teńgeni quraǵan. Shaǵymdanýshy altyndarynyń naqty qaı kúni joǵalǵanyn aıta almaǵan. Tek naýryz aıynyń sońynda tanys erkekpen bótelkeles bolǵanyn jetkizgen, dep habarlaıdy Egemen.kz

Jaqsybaı SAMRAT

Altyn buıymdardy qoldy etken jigit qolǵa tústi

Jedel-izdestirý sharalary barysynda urlyqqa áıeldiń tanysynyń qatysy bary rastaldy. 39 jastaǵy jigit buryn múliktik qylmys jasaǵany úshin 2004 jyly sotty bolǵan.

Shara barysynda ol ustalyp, qaladaǵy lombardtardyń birine altyn buıymdardy tapsyrǵan kepildik bıleti de tabyldy. Ol altyn alqa men moıynǵa asatyn kishkentaı kresti 75 myń teńgege tapsyrǵan. Qazir buıymdardy lombardtan alý josparlanýda. Al kúdiktige qatysty «Urlyq» baby boıynsha sotqa deıingi tergeý júrgizilýde.

«Qazir páter urlyqtarynyń basym bóligi birlesken otyrystardan soń jasalyp jatady. Spırttik ishimdikti asyra paıdalanýdyń sońy túrli zań buzýshylyqtardyń jasalýyna ákep soǵatynyn este saqtaǵan jón. Turǵyndardyń qundy zattardy kórinetin jerge tastamaǵany abzal», deıdi Birinshi polısııa bóliminiń bastyǵy polısııa podpolkovnıgi Tilegen Áljanov.