Aımaqtar • 14 Sáýir, 2021

Tarazda karantın talaptaryn buzý toqtamaı tur

30 ret kórsetildi

Búginde Taraz qalasy qaýiptilik deńgeıiniń «jasyl» aımaǵynan «sary» aımaǵyna ótti. Alaıda aýrýshańdyqtyń turaqtaný, tómendeý úrdisi baıqalmaıdy. Koronavırýs indetin juqtyrý deregi zeınetkerler ishinde kóp tirkelýde. Búginde qalada 440 qart kisi qaýipti indetti juqtyrǵan. Jumyssyzdar qatarynda 370 adam bolsa, medısınalyq qyzmetkerler sany 50-di quraıdy, dep habarlaıdy Egemen.kz.

Taraz qalasy ákiminiń orynbasary Almas Sadýbaevtyń aıtýynsha, indettiń órshýine adamdardyń toı-tomalaqtan tyıylmaı turýy da sebep bolýda. Búginde Taraz qalasynda 74 meıramhana men 220 kafe bar. Olardyń basym bóligi jumys jasap tur desek te bolady. Turǵyndardyń qoǵamdyq oryndarda sanıtarlyq talaptardy saqtamaýy da qoǵamǵa qaýipti áreket bolyp tur.

Tarazda jyl basynan beri karantın talaptaryn saqtamaǵandarǵa monıtorıng tobynyń músheleri 200-ge jýyq hattama toltyrǵan. Máselen, qańtar aıynda 34 hattama, aqpan aıynda 47 hattama, naýryz aıynda 54 hattama, al sáýir aıynyń alǵashqy onkúndiginiń ózinde 50-ge jýyq hattama toltyrylǵan.

Sońǵy jańalyqtar

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar