Depýtat atap ótkendeı, koronavırýs pandemııasy ár qazaqstandyqtyń ómirine óz túzetýlerin engizdi. Onyń teris saldary da bar. Oqshaýlanǵan jaǵdaıda qoǵamnyń qozǵalysy azaıdy.
Statıstıkaǵa sáıkes, respýblıkada 237 446 adam koronavırýspen aýyrdy. Onyń ishinde indetten aıyqqandar da barshylyq. Olar úshin ońaltý, densaýlyqty ári qaraı nyǵaıtý mańyzdy. Sol sebepti memleket buqaralyq sportty damytýǵa baǵyttalǵan shara qoldaný qajet. Buqaralyq sport barlyq jastaǵy adamdarǵa qoljetimdi bolýy tıis.
«Depýtattar Memleket basshysynyń 2020 jylǵy 30 jeltoqsanda qol qoıǵan «keıbir zańnamalyq aktilerge mádenıet, dene shynyqtyrý jáne sport máseleleri boıynsha ózgerister men tolyqtyrýlar engizý týraly» zańyna túzetýler engizdi. Osy zańda balalar úshin memlekettik sporttyq jáne shyǵarmashylyq tapsyrys engizý kózdelgen. Bul normalar 2021 jyldyń 1 mamyrynan bastap kúshine enedi. Bul jańashyldyqtardy júzege asyrý balalardyń sport seksııalary men shyǵarmashylyq úıirmelerge tegin qatysýyna múmkindik beredi», dedi Vera Kım.
Biraq bul normalardyń kúshine enýi jáne jumys isteı bastaýy úshin birqatar normatıvtik quqyqtyq aktini qabyldaý talap etiledi. Alaıda zań qabyldanǵaly beri 3,5 aı ótse de, NQA derekteri qabyldanǵan joq. Nur Otan partııasy fraksııasynyń depýtattary qalyptasqan jaǵdaıǵa alańdaýly.
