Lázzat Ibragımova naqtylap ótkendeı, mamyr aıynyń aıaǵynda, maýsym aıynyń basynda, jınaqtaýshy zeınetaqy qarajatyn paıdalanatyn operasııalardyń jyljymaıtyn múlik naryǵyna absolıýtti áseri teńestiriledi. Qazir kúnine 2500-ge jýyq ótinish kelip túsedi, onda kórsetilgen somalar aıtarlyqtaı tómendepti. Eger qańtar-aqpan aılarynda bul 15 mıllıon jáne odan kóp somany qurasa, qazir tapsyrys mólsheri ortasha eseppen 1-2 mıllıon teńgeni quraıdy.
«Mundaı resýrstardyń kómegimen oblys ortalyqtarynda, Almatyda, Nur-Sultanda turǵyn úı baǵasyna áser etý múmkin emes», dedi Lázzat Ibragımova.
«Otbasy Banki» júrgizgen statıstıkalyq málimetterge sáıkes, BJZQ-dan turǵyn úıdi tikeleı satyp alý úshin alynǵan jınaqtyń 50% -y qaıtalama naryqta mámileler jasaýǵa paıdalanylǵan. Osy qarajatqa kóptegen ıpotekalyq operasııalar jasalady degen boljamdar bolǵanymen, bankke kelip túsken 100 myńnan astam ótinishterdiń ishinen tek 4 myń adam ıpoteka alýǵa ótinish bildirgen.
«Basqa bankter de osyndaı. О́tinish berýshilerdiń jalpy kólemi 10 myń ótinimnen aspady. Sondyqtan ekinshi jartyjyldyqta zeınetaqy jınaqtaryn paıdalanýǵa baılanysty tolqýlar basylady. Qazir kópshilik «Otbasy Bankine» BJZQ-daǵy jınaq aqshany aı saıynǵy nesıeni tóleýge jáne aqshany eseptik kórsetkishke depozıt qurýǵa aýdarýǵa paıdalaný týraly ótinishpen júginedi», dep qosty Lázzat Ibragımova.
