Qoǵam • 15 Sáýir, 2021

Ekpe alý pýnkti meshitte de ashyldy

26 ret kórsetildi

Dárigerlerdiń pikirinshe, halyqty koronavırýs ınfeksııa­synan vaksına men ujymdyq ımmýnıtet ǵana saqtaıdy. Al jalpy ımmýnıtet qalyptasý úshin kem degende eresek azamattardyń 60 paıyzy ekpe alý kerek. Sondyqtan da Shyǵys Qazaqstan oblysynyń turǵyndaryn reseılik Spýtnık V preparatymen jappaı vaksınalaý bastaldy.

Sýretti túsirgen Erlan OMAR, «EQ»

О́ńirde úsh aı boıy koronavırýs indetin juqtyryp alý qaýpi joǵary salada jumys is­teıtin sala mamandary egildi. Olar­dyń qatarynda medısına qyzmetkerleri, quqyq qorǵaý jáne kúsh qurylymdarynyń qyz­metkerleri, pedagogter bar. Búgingi tańda jalpy 17,5 myńnan astam turǵyn koro­na­vırýsqa qarsy ekpe aldy.

Endigi kezekte oblys tur­ǵyn­daryn jappaı vaksına­laý bas­talady. Shyǵys Qazaq­standa qazir­diń ózinde 136 egý pýnkti ashyl­dy. Onyń 48-i ob­lys­ kásiporyndarynda, 72-si medı­sınalyq mekemelerde or­nalasqan. Endi densaýlyǵyn oılaǵan kez kelgen azamat erikti túrde Sovid-19 vırýsyna qarsy ekpe jasata alady. Ekpe alýǵa bolatyn emhanalar men aýrýhanalar tizimine О́skemen men Semeıdiń 40-tan astam medısına mekemesi engen. Sondaı-aq, aımaqtyń basqa qalalary men aýdandaryndaǵy 25 medısınalyq mekemesinen egý pýnkti ashyldy. Máselen, О́skemen qalasynyń turǵyn­dary ekpe alý úshin №1, №2 qa­la­lyq emhanalarǵa, Ana men bala ortalyǵy, «Den­saý­lyq» dárigerlik ambýlatorııa­sy, «Avıasenna» otbasylyq den­saý­lyq ortalyǵy syndy mekemelerge júgine alady.

Al Semeıde egý kabınetteri №1, №2, №3, №4, №6, №7, №8 qalalyq emhanalarynda ju­mys isteıdi. Odan bólek, №3 kon­sýl­tatıvtik-dıag­nos­tı­ka­lyq em­hanada, №5 dárigerlik am­bý­latorııada, Semeı temir jol aýrýhanasynda, №12 Alǵashqy medısınalyq-sanıtarlyq kómek kórsetý ortalyǵynda, «Jo­laman» otbasylyq dáriger­lik ambýlatorııasynda, «Ádil-Em» emhanasynda vaksına jasaý pýnkteri ashyldy.

Oblysta halyqtyń ekpeni esh kedergisiz alý úshin barynsha jaǵdaı jasalyp-aq jatyr. Aı­ta ketsek, 8 sáýirden bastap elek­trondy úkimet portalynda onlaın rejimde vaksınalaýǵa jazylý qyzmeti iske qosyldy. Qajet bolsa, bul saıt arqyly egý pýnkteri týraly qosymsha aqparat alýǵa da múmkindik bar.

О́skemendegi №1 qalalyq emhananyń jalpy praktıka dárigeri Gúlnar Sháripovanyń aı­týynsha, egýdi arnaıy oqý­dan ótken medbıkeler júr­gizedi. Preparat qajetti tempera­týradaǵy termokonteınerde saq­talady. Egý aldynda jarty saǵat buryn shyǵarylyp, pasıenttiń kózinshe ashylady.

– Vaksına alýǵa nıet bil­dirgen azamattyń den­saý­lyǵyna shaǵy­my, sozylmaly aýrýlardyń asqy­nýlary bolmaýy tıis. Egý aldynda terapevt qysym men temperatýrany ólsheıdi. Osy ýaqytqa deıin ekpe alǵan eshkim shaǵymdana qoıǵan joq. Ony senimmen aıtyp otyrǵanym, úsh kún boıy qońyraý shalyp, ekpe alǵan pasıenttiń qalyn surap otyramyz. 21 kúnnen keıin vaksınalaýdyń ekinshi kezeńi ótedi. Al úsh kúnnen soń pasıent vaksınalaýdan ótkenin kýálandyratyn elektrondy pasport alady, – deıdi dáriger Gúlnar Sháripova.

Dárigerler aıtqandaı, vı­rýs­tyń taralýyn vaksına ǵana toq­tata alady. Bul álemdik prak­­tıkada dáleldenip jatyr. Son­­dyqtan keri zııany bar dep, ekpeden qashýdyń qajeti joq sııaqty. Jýyqta ekpe alǵan semeılik Erjan Raıhanov egov.kz. por­­taly arqyly tirkelip baryp alǵyzǵanyn aıtty.

– О́z erkimmen portalǵa tir­keldim. О́ıtkeni aralasyp-qura­lasyp júrgen qart týystarym bar, al ózim kópshilikpen jumys isteımin. Qaýiptiń aldyn alý úshin ekpe alýǵa sheshim qabyl­dadym. Egov.kz portalynda kúni men ýaqytyn belgiledi. Esh kezeksiz, esh kedergisiz ekpem­di aldym. Odan keıin jarty saǵattaı dári­gerdiń qadaǵa­laý­ynda boldym. Qazir alańsyz­byn, – deıdi Erjan Raıhanov.

Aldaǵy ýaqytta Shyǵys Qa­zaq­stanǵa vaksınanyń taǵy 94 myń komponenti keledi. Osy tusta aıta keterligi, ekpe alý – ustaǵan orazany buzbaıdy. Tipti О́skemendegi oblystyq «Halıfa Altaı» meshitinde egý pýnkti de ashyldy. Ol úshin oblystyń bas memlekettik sanıtarlyq dárigeri Qanat Týrdıev ortalyq meshittiń bas ımamy Ermek qajy Muqataımen kezdesip, eki jaq ózara yntymaqtastyq týraly memorandýmǵa qol qoıdy.

– Memorandýmnyń maqsaty – eki jaq birlese otyryp, eldegi indettiń taralýynyń aldyn alý. Densaýlyq – Allanyń adamzatqa bergen amanaty. Sondyqtan biz ózimizdiń densaýlyǵymyz úshin, jaqyndarymyz úshin vaksına alýymyz kerek. Endi osydan bylaı meshitte arnaıy vaksınalaý pýnktteri jumys isteıtin bolady. Keıbir oraza ustaǵan jamaǵat «vaksına alý orazany buzbaı ma?» dep suraıdy. Joq, buzbaıdy. Qazaqstan musylmandary dinı basqarmasynyń talqylaýymen oraza ustaǵan adam vaksına alýyna bolady degen sheshim qabyldandy. Sharıǵatta vaksınanyń orazaǵa esh kedergisi joq. Sondyqtan densaý­ly­ǵy­myzdy basty orynǵa qoıa otyryp, barlyq jamaǵatty indet­ke qarsy vaksına alýǵa shaqy­ramyn, – dedi «Halıfa Altaı» meshitiniń bas ımamy Ermek Muqataı. 

 

Shyǵys Qazaqstan oblysy

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar