Oqıǵa • 15 Sáýir, 2021

Balqashta jol apatynan polısııa qyzmetkeri kóz jumdy

245 ret kórsetildi

«Ekaterınbýrg-Qaraǵandy» avtojolynyń Balqash qalasy mańyndaǵy ýchaskesinde júk kóligi men patrýldik polısııa avtomobıli soqtyǵysty, dep habarlaıdy Egemen.kz

15 sáýir tańǵy 06.40-ta «Ekaterınbýrg-Almaty» tas jolynda Balqash qalasynan Qaraǵandy qalasyna kele jatqan joldyń 45 shaqyrymynda, 41 jastaǵy azamattyń basqarýyndaǵy «Volvo» júk kóligi men 33 jastaǵy oblystyq patrýldik polısııa batalony ınspektorynyń basqarýyndaǵy «Kia Rio» avtokólikteri soqtyǵysqan.

Jol-kólik oqıǵasy kezinde dene jaraqattaryn alǵan kóliktiń jolaýshysy, qyzmet babynda júrgen oblystyq patrýldik polısııa batalonynyń ınspektory, 46 jastaǵy Haıdar Orazbaev kóz jumsa, kóliktiń júrgizýshisi aýrýhanaǵa jetkizilgen.

«Qaraǵandy oblysy ishki ister organynyń basshylyǵymen jeke quramy qaıtys bolǵan áriptesimizdiń týǵan-týystarymen jaqyndarynyń qaıǵysyna ortaqtasyp, kóńil aıtady. Polısııa aǵa leıtenanty Haıdar Orazbaev Ishki ister organynda 1995 jyldyń qyrkúıek aıynan bastap qyzmet atqardy. Úılengen. Tórt bala tárbıelegen», dep habarlady Qaraǵandy oblysynyń PD baspasóz qyzmeti.

Atalǵan fakti boıynsha Qazaqstan Respýblıkasy Qylmystyq Kodeksiniń 345 baby 3 tarmaǵyna sáıkes qylmystyq is qozǵaldy. Tıisti saraptamalar taǵaıyndalyp, tergeý amaldary júrgizilýde.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar