IZGILIKTI QYZMETINE TABYS TILEDI

Parlament Májilisiniń Tóraǵasy Oral Muhamedjanov “Eýrazııa dıalogy” halyqaralyq qoǵamdyq qorynyń prezıdenti Salıh Aqshaıdy onyń ótinishi boıynsha qabyldady, dep habarlady osy palatanyń  baspasóz qyzmeti. Qazaqstan Respýblıkasynyń Prezıdenti Nursultan Nazarbaev­tyń Eýrazııalyq ıdeıasy kezdesýdiń basty taqyrybyna aınaldy. Má­ji­lis Tóraǵasy HHI ǵasyrda órke­nıet­ke bastaǵan elderdiń arasyn­daǵy mádenı baılanystardy da­my­tý, Birikken Ulttar Uıymy jáne álemdik qoǵamdastyqtyń qoldaýyna ıe bolǵan Qazaqstannyń tájirıbesi men Memleket basshysynyń basta­malaryna toqtalyp ótti. Búgingi tańda ıadrolyq qarýdan bi­rinshi bolyp bas tartqan el retin­de Qazaqstannyń bedeli artyp ke­ledi. Jahandyq damý kezinde ynty­maqtastyq pen ózara túsinistik qa­lyptasqan jaǵdaıda halyqtardyń rýhanı baılyq arqyly jaqyn­da­sýyna múmkindik týatyny anyq. Meıman “Eýrazııa dıalogy” tuǵyr­namasynyń búgingi atqaryp otyrǵan qyzmeti týraly baıandady. Aıta ketý kerek, 1998 jyly Ys­tam­bul qalasynda ótken Eýrazııa jazýshylary men jýrnalısteri as­sosıasııasynyń alǵashqy kezde­sýin­de erkin, tabys tabýdy kóz­de­meıtin, memleketterdiń saıası is-áreketine aralaspaıtyn halyqara­lyq “Eýrazııa dıalogy” tuǵyrna­ma­syn qurý týraly oı týyndaǵan. Atal­ǵan uıym osylaı dúnıege kelgen. Kezdesý sońynda Májilis Tór­aǵasy meımannyń izgilik jolyn­daǵy qyzmetine tabys tiledi. MÁJILIS BIýROSYNYŃ KEZEKTI OTYRYSY Parlament Májilisiniń Tóraǵasy Oral Muhamedjanovtyń jetekshiligimen ótken palata Bıýrosynyń otyrysynda Májilistiń jalpy otyrysyna shyǵarylatyn máseleler saralandy, dep habarlady osy palatanyń baspasóz qyzmeti. Depýtattardyń talqysyna “Qa­zaqstan  Respýblıkasynyń  Úkimeti  men Reseı Federasııa­synyń Úki­meti arasyndaǵy Reseı Fede­ra­sııasynyń “Baıqońyr” keshenin jalǵa alý jaǵdaıynda Baıqońyr ǵarysh aılaǵynyń personalyna, Baıqońyr qalasynyń, Tóretam jáne Aqaı kentteriniń turǵyn­da­ry­na medısınalyq qyzmet kórsetý tártibi týraly kelisimdi ratıfı­ka­sııalaý týraly” zań jobasy usy­nylatyn boldy. Sonymen qatar, “1995 jylǵy 23 jeltoqsandaǵy Qazaqstan Res­pýb­lıkasy men Reseı Federasııasy arasyndaǵy Baıqońyr qalasynyń mártebesi, ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgerister men tolyqtyrýlar engizý týraly hattamany ratıfıkasııalaý týraly” zań jobasyn talqyǵa salý kózdelip otyr. Talqylaýǵa “Qazaqstan Respýb­lı­kasy men Ispanııa Koroldigi ara­syn­daǵy Strategııalyq árip­tes­tik týraly shartty ratıfıkasııalaý týraly”  zań jobasy da shyǵary­latyn bolady.