Ekonomıka • 15 Sáýir, 2021

Alakóldiń jaǵalaýynda qurylys jumystary júrgiziledi

25 ret kórsetildi

Úkimette kóktemgi dala jumystaryn júrgizýdi nesıelendirý, týrıstik maýsym qarsańynda Alakól kóliniń jaǵasyna kólikterdiń qozǵalysyn qamtamasyz etý jáne bıznestiń ózge de problemalyq máseleleri talqylandy, dep habarlaıdy Egemen.kz.

Bir mezette Almaty oblysy, Úsharal qalasyndaǵy jáne Shyǵys Qazaqstan oblysy Úrjar aýylyndaǵy eki áýejaıdyń ushý-qoný jolaqtaryn (UQJ) qaıta jóndeý máselesin QR Premer-Mınıstriniń birinshi orynbasary Álıhan Smaıylovtyń tóraǵalyǵymen ótken kásipkerlik sýbektileriniń problemalyq máselelerin qaraý jónindegi apta saıynǵy jıynǵa qatysýshylar egjeı-tegjeıli talqylady.

Jóndeý jumystary Alakól kóliniń jaǵalaýyndaǵy jazǵy týrıstik maýsymnyń basynda bastalady. Osyǵan baılanysty Á. Smaıylov aldaǵy jazǵy týrıstik maýsymǵa kedergi keltirmes úshin jóndeý jumystaryn kezeń-kezeńimen júrgizip, týrısterdi qyzyqtyratyn jerlerge balama kólik baılanystaryn kóbeıtýdi tapsyrdy.

Atap aıtqanda, Indýstrııa jáne ınfraqurylymdyq damý mınıstrligi Almaty jáne Nur-Sultan qalalarynan Alakól baǵytynda poıyzdar men qosymsha tirkeme vagondar sanyn kóbeıtý boıynsha jumystar júrgizýde. Bıyl 17 maýsymynan bastap halyqtyń suranysyn qanaǵattandyrý úshin Almaty-Dostyq baǵytynda aptasyna 3 ret jańa jolaýshylar poıyzyn shyǵarý usynylady.

Sondaı-aq jazda Nur-Sultan qalasynan qatynaıtyn jolaýshylar poıyzdarynyń qozǵalys mólsheri ulǵaıtylady. Almaty jáne Shyǵys Qazaqstan oblystarynyń ákimdikteri jaz maýsymyna daıyndyq boıynsha atqarylyp jatqan jumystar týraly esep berdi. Osylaısha, «Taldyqorǵan-Úsharal» (313,5 km) jáne «Úsharal-Dostyq» (180 km) respýblıkalyq mańyzy bar avtomobıl joldarynyń 493,5 shaqyrymyn qaıta jańartý jáne salý jumystary jalǵasýda. Bul jobalardyń aıaqtalýy kól jaǵalaýyna týrıster aǵynyn edáýir arttyrady. Alakólde qazirdiń ózinde áýe jáne temirjol baılanysynyń arqasynda bir maýsymda 1 mln astam adam demalady.

Kóktemgi egiske nesıe berý máselesi boıynsha fermerlerdi qarjylandyrý naýryz aıynan bastap júrgizilýde, al óteý merzimi qarasha aıynda dep belgilendi. Tabıǵı-klımattyq jaǵdaılardy eskere otyryp, ońtústik oblystardyń fermerlerine jeltoqsan-qańtar aılarynda kóktemgi egis jumystaryn (tuqym, janar-jaǵarmaı, gerbısıdter, qosalqy bólshekter jáne t.b. satyp alý) júrgizý úshin qarajat qajet. Premer-Mınıstrdiń birinshi orynbasary kóktemgi dala jáne ónimdi jınaý jumystaryna qarajat bólý máselesin qańtar-aqpan aılarynda pysyqtaýdy tapsyrdy.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar