Usynylyp otyrǵan túzetýler QR áýe keńistiginde pılotsyz ushý apparattaryn paıdalaný qaǵıdalaryn pılotsyz áýe júıelerdi (budan ári – PÁJ) jobalaýǵa jáne daıyndaýǵa qoıylatyn talaptardy qosymsha belgileý maqsatynda QR áýe keńistiginde pılotsyz áýe júıelerdi paıdalaný qaǵıdalaryna aýystyrý josparlanýda. Sondaı-aq, qurylymy, óndirisi jáne tehnıkalyq qyzmet kórsetýi sertıfıkattalatyn PÁJ tıpteri, belgilengen sanattaǵy pılotsyz áýe kemeleriniń ushý saqtaýǵa qoıylatyn talaptardy, paıdalanylatyn jıilik dıapazony, beriletin aqparat quramy bóliginde qashyqtyqtan sáıkestendirý júıelerine qoıylatyn talaptardy, sondaı-aq osy júıe ornatýǵa mindetti pılotsyz ushý apparattarynyń sanattaryn, maksımaldy ushý salmaǵy 30 kg joǵary operatorlar úshin ushý qaýipsizdigin basqarý júıesine qoıylatyn talaptardy engizý anyqtalady. Sonymen qatar, ushqyshsyz áýe kemesin sertıfıkattaýǵa qosymsha operatordy sertıfıkattaý jáne syrtqy ushqyshtardy lısenzııalaý bóliginde dástúrli basqarylatyn áýe kemeleri úshin talaptardy belgileı otyryp, «sertıfıkattalǵan» sanattaǵy operasııalardyń jańa sanatyn engizý josparlanýda, sondaı-aq paıdalanýshy/PÁJ operatorynyń sertıfıkatyn berýge qoıylatyn talaptar (salmaǵy, oryndalatyn jumystar nemese ushý tıpi boıynsha paıdalanýshy sertıfıkatynyń analogy) aıqyndaldy.
Budan basqa, Zańǵa túzetýler qabyldaý Qazaqstan Respýblıkasynyń áýe keńistigin paıdalaný qaǵıdalaryna, atap aıtqanda pılotsyz áýe kemeleriniń ushýyn shekteý aımaqtaryn, sondaı-aq osy aımaqtar úshin paıdalaný jaǵdaılaryn ázirleý, kelisý jáne belgileý tártibine ózgerister engizýdi talap etedi.
Zańnamalyq túzetýlerdi engizý maksımaldy ushý salmaǵy 30 kg-nan asatyn pılotsyz áýe kemelerin PÁK memlekettik tiziliminde tirkeý jáne esepke qoıý týraly kýálikti berýsiz esepke alý jáne habarlama negizine aýystyrý tártibin ózgerte otyryp, maksımaldy ushý salmaǵy 30 kg jáne odan kem bolatyn pılotsyz áýe kemelerin tirkeý bóliginde ózgerister engizýdi talap etedi. Usynylatyn jańalyqtar ozyq elderdiń tájirıbesin, sondaı-aq IKAO usynymdaryn eskere otyryp ázirlendi.
Zańǵa túzetýlerdi qabyldaý aǵymdaǵy jyldyń sońyna deıin úsh aı ishinde normatıvtik quqyqtyq aktilerge engizilýimen josparlanǵan.
Aǵymdaǵy jyldyń qańtar aıynda Qazaqstan Respýblıkasynyń áýe keńistiginde pılotsyz ushý apparattaryn paıdalaný qaǵıdalary bekitilgen bolatyn. Pılotsyz ushaqtardy paıdalaný memlekettik avıasııa salasyndaǵy ýákiletti organda tirkeletin pılotsyz ushý apparattaryn qospaǵanda, azamattyq avıasııa salasyndaǵy ýákiletti uıymda tirkelgennen keıin júzege asyrylady.
Qazaqstannyń avıasııalyq ákimshiligi pılotsyz ushaqtardy esepke alýdy Qazaqstan Respýblıkasynyń azamattyq áýe kemelerin jáne olarǵa quqyqtardy memlekettik tirkeý qaǵıdalaryna sáıkes júrgizedi. Maksımaldy ushý salmaǵy 1,5 kg-nan asatyn pılotsyz ushý apparattary, sondaı-aq maksımaldy ushý salmaǵy 0,25 kg-nan joǵary «erekshe» sanattaǵy operasııalardy oryndaıtyn pılotsyz ushý apparattary tirkeýge jatady.
Búgingi kúni Qazaqstanda 279 pılotsyz ushý apparattary tirkelgen.
