Qoǵam • 16 Sáýir, 2021

Astyq egý naýqany mamyr aıynyń ortasynda bastalady

8 ret kórsetildi

Búgingi tańda Almaty, Túrkistan, Jambyl jáne Qyzylorda oblystarynda egin egý aldyndaǵy daıyndyq jumystarymen qatar keıbir daqyldardy egý naýqany bastalyp ketti. Atap aıtqanda, ońtústikte 220 myń gektarǵa jýyq dándi jáne dándi-burshaqty daqyldar, 30 myń gektar kókónis, 11 myń gektardan astam jerge kartop, 15,4 myń gektarǵa baqsha daqyldary egildi, dep habarlaıdy Egemen.kz Aýyl sharýashylyǵy mınıstrliginiń baspasóz qyzmetine silteme jasap.

Astyq egetin aımaqtardaǵy negizgi naýqan mamyr aıynyń ortasynda bastalady.

Egis naýqanyn júrgizý úshin aýyl sharýashylyǵy qurylymdarynda 141,7 myń traktor, 4,3 myń joǵary ónimdi egin egý kesheni, 73,2 myń tuqym sepkish, 221,2 myń topyraq óńdeý quraldary bar.

Tehnıkany daıyndaý josparly túrde júzege asyrylady. Qazirgi ýaqytta tehnıkalar egin egý naýqanyna 100% daıyn.

2021 jylǵy kóktemgi-dala jumystaryna (aqpan-maýsym) Energetıka mınıstrligimen birlesip, 380 myń tonna arzandatylǵan dızel otynyn jetkizý boıynsha oblystardy munaı óńdeý zaýyttaryna bekitý kestesi jasaldy.

Sáýir aıynda munaı óńdeý zaýyttary dızel otynynyń ortasha naryqtyq baǵasyn tonnasyna 174 myń teńge nemese lıtrine 144 teńge etip belgiledi. Operatorlardyń shyǵyndaryn qosqanda fermerler úshin respýblıka boıynsha ortasha baǵa lıtrine 165 teńgeni qurady (naryqtyq baǵadan 10%-ǵa arzan).

Oblys ákimdikteriniń aqparaty boıynsha búgingi kúni 2,4 mln tonna tuqym sebildi, bul tıisti merzim josparynyń 100,4%-yn quraıdy. Sondaı-aq, fermerlerge 136,2 myń tonna mıneraldy tyńaıtqysh jetkizildi. Sýbsıdııa berýge ótinimderdi jınaý jumystary jalǵasýda.

Bıylǵy maýsymda fermerlerdi qarjylandyrý úshin arnaıy baǵdarlamalar qarastyrylǵan. Mysaly, «Agrarlyq nesıe korporasııasy» AQ «Keń dala» baǵdarlamasy boıynsha kóktemgi egin egý men kúzgi jıyn-terim jumystaryna 70 mlrd teńge kóleminde bıýdjettik nesıe bóldi.

AО́K sýbektileri úshin syıaqy mólsherlemesi:

- bank kepildigimen tikeleı nesıe alǵan jaǵdaıda – jyldyq syıaqy mólsheri 1,5%-ǵa deıin;

- AО́K sýbektileri nesıe seriktestikterinen, memlekettiń 100% qatysýymen óńirlik ınvestısııalyq ortalyqtardan, mıkroqarjy uıymdarynan nesıe alsa, jyldyq syıaqy mólsheri 5%-dan aspaıdy;

- ekinshi deńgeıli bankterden alǵan nesıeniń jyldyq syıaqy mólsheri - 5%-ǵa deıin. 

Sondaı-aq shaǵyn jáne orta fermerlerdi qoldaý úshin Azyq-túlik korporasııasy aýyl sharýashylyǵy ónimderin forvardtyq satyp alýdy júzege asyrady. Josparlanǵan satyp alý somasy 45,3 mlrd teńgeni quraıdy.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar