Aımaqtar • 16 Sáýir, 2021

Soltústik Qazaqstanda orman órtimen kúresetin mekemelerdiń daıyndyǵy tekserildi

8 ret kórsetildi

Soltústik Qazaqstan oblysynda orman órtimen kúresetin kommýnaldyq memlekettik mekemelerdiń daıyndyǵy tekserildi, dep habarlaıdy Egemen.kz

SQO tabıǵı resýrstar jáne tabıǵatty paıdalanýdy retteý basqarmasynyń málimetinshe, memlekettik orman qorynyń aýmaǵy 549,6 myń ga, onyń 439,8 myń ga ormandy alqap. Osyndaı úlken aýmaqta órtke qarsy is-sharalardy, órtpen kúresti orman sharýashylyǵynyń 12 kommýnaldyq memlekettik mekemesi atqarady.

«Orman sharýashylyǵy jáne janýarlar álemi komıtetiniń buıryǵymen 3 jumys toby quryldy. Onyń quramyna orman sharýashylyǵy jáne janýarlar álemi ınspeksııasynyń jáne tabıǵı resýrstar jáne tabıǵatty paıdalanýdy retteý basqarmasynyń mamandary kirdi. Jumys toby orman sharýashylyqtarynyń bıylǵy órt qaýpi joǵary maýsymǵa daıyndyǵyn tekserdi. Mamandar órt sóndirý tehnıkasynyń, qural-saımandar men jabdyqtardyń orman órtterin sóndirýge ázirligin pysyqtady. Bul jumystar 26 naýryzda bastalyp, 15 kúnge jalǵasty», deıdi SQO tabıǵı resýrstar jáne tabıǵatty paıdalanýdy retteý basqarmasynyń bólim basshysy Vasılıı Labanchýk.

Bul jumys oblys ormandaryn orman órtterinen saqtaýdy qamtamasyz etý, órt oshaqtaryn ýaqtyly anyqtaý jáne joıý, qajetti kúshter men quraldardyń bolýy men olardy tartý, órt sóndirýge jaýyngerlik ázirligin tekserý maqsatynda júrgiziledi. Jumys toby orman sharýashylyqtarynyń órt sóndirý kezinde ózara is-qımyl jáne múddeli jergilikti atqarýshy jáne aýmaqtyq organdardyń ózara is-qımylyn uıymdastyrý josparynyń bolýyn tekserdi.

«Kóktem kelisimen orman órtiniń shyǵý qaýpi artady. Sondyqtan mamandar tas-túıin daıyn otyrýlary kerek. Tekserý barysynda esh nárse nazardan tys qalmady, radıobaılanys quraldarynyń, janar-jaǵarmaıdyń rezerviniń bolýy, negizgi órtke qarsy is-sharalar josparlary, órt qaýpi joǵary kezeńge kezekshilik uıymdastyrý – barlyǵy tekserildi», deıdi Vasılıı Labanchýk.

Tekserý qorytyndysy boıynsha, SQO-nyń orman sharýashylyqtarynyń daıyndyq deńgeıi 10 baldyq júıemen 8,7 ball dep baǵalandy.

Sońǵy jańalyqtar

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar