Jarystyń ekinshi kúni Qazaqstan quramasy úsh júldege qol jetkizdi. Eń ókinishitisi, bizdiń arýlardyń birde-bireýi altyn tuǵyrǵa kóterile almady.
53 kılo salmaqtaǵy koreıalyq Oh Hııýnıýng pen ózbekstandyq Shahnozahýn Mahmýdovadan mereıi ústem bolǵan Asylzat Saǵymbaı jartylaı fınalda taıpeılik Meng Sýan Sıenge ese jiberdi. Odan keıin ol qaıta Ońtústik Koreıanyń ókilimen kúresýi kerek edi. Alaıda jaraqatyn jeleý etken Oh boz kilemge shyǵýdan bas tartty. Osylaısha, Asylzat qola medaldi moınyna ildi.
57 kılo salmaqtaǵy Altynaı Satylǵan koreıalyq Lı Shınhý men sıngapýrlyq Danıele Chıng Lımdi jeńgenimen, jartylaı fınalda mońǵolııalyq Batseseg Altansesegten aılasyn asyra alǵan joq. Al qola júlde úshin básekede Altynaı Shınhý Lıge san soqtyryp, úshinshi orynǵa taban tiredi.
72 kılo salmaqtaǵy Jamılıa Baqbergenova aınalmaly júıe boıynsha ótken jarystyń sheshýshi saıysynda moǵolııalyq sportshydan basym túsip, kúmis medaldi ıelendi.
Al 62 kılo salmaqta Irına Kýznesova men 65 kılo salmaqta Gaýhar Muqataı aıtýly jarysta jeńilis taýyp, el senimin aqtaı almady.
Sóıtip, Qazaqstan quramasy 2 altyn, 1 kúmis jáne 3 qolany oljalap, komandalyq esepte úshinshi oryndy ıelendi. Aldymyzda – Úndistan (3 altyn, 1 kúmis, 2 qola) men Mońǵolııanyń (2 altyn, 4 kúmis, 1 qola) balýandary.
