Qoǵam • 19 Sáýir, 2021

Jumyskerler jalaqysy 30 paıyzǵa ósedi

132 ret kórsetildi

Shyǵys Qazaqstan oblysy kásiporyndarynyń qyzmetkerleri úshin áleýmettik-ekonomıkalyq jáne eńbek qatynastaryn retteýde kómek bolatyn memorandýmǵa qol qoıyldy. Atalǵan qujattyń negizinde 2023 jyly barlyq jumyskerdiń eńbekaqysy 30 paıyzǵa deıin ósedi degen boljam bar.

Kollajdy jasaǵan Záýresh Smaǵul, «EQ»

Bul qujat ekonomıkalyq tu­raqty­lyqty nyǵaıtýǵa, eńbek qa­tynastaryn, daýly máselelerdi retteý, jumyspen qamtý jáne eńbekaqy tóleýdiń tıimdi jaǵdaılaryn jasaý­ǵa óz septigin tıgizedi. Memorandým Shyǵys Qazaq­stan oblysy ákimdigi, oblystyq kásip­odaqtar birlestik­teri men jumys berý­shi­lerdiń ózara yn­tymaqtastyǵyna negiz­delgen. Bú­ginde 2018-2020 jyldar ara­ly­ǵynda jasalǵan kelisimsharttyń mer­zimi aıaqtalypty. Osyǵan baılanys­ty, áleý­mettik áriptestik taraptary al­da­ǵy úshjyldyq kezeńge arnalǵan ob­lys­tyq úshjaqty kelisimniń jobasyn qaıta daıyndady.

Oblys ákiminiń orynbasary Shá­kárim Buqtuǵutovtyń aıtýynsha, ót­ken jyldary kelisim aıasynda óńir­degi negizgi ekonomıkalyq kórset­kish­ter aıtarlyqtaı deńgeıge jetti. 2018 jyldan beri komıssııanyń 21 oty­rysy ótkizildi. Otyrystarda negizi­nen turaqty jalaqy boıynsha qyz­metkerlerdiń aldyndaǵy bere­shekti óteý jáne boldyrmaý máse­lesi talqylanatyn. Qabyldanǵan shara­lardyń nátıjesinde 3 mlrd teńgege jýyq borysh ótelip, oblystyń 760 kásipornynda 18 200 jumysshynyń quqyǵy qorǵaldy.

– Birneshe jyl boıy respýblıkada «Eńbek» memlekettik baǵdarlamasy, sondaı-aq «Jumyspen qamtýdyń jol kartasy» iske  asyrylyp keledi. Oblysta 140 myńǵa jýyq turǵyn «Jumyspen qamtýdyń jol kartasy» baǵdarlamasyna qatysty. Tek 2020 jyly óńirde 22 myńnan astam jumys orny ashyldy. Búginde Shyǵys Qazaqstan oblysynda jumyssyzdyq deńgeıi 4,9 paıyzdy qurap otyr, – deıdi Sh.Buqtuǵutov.

Aıta keteıik, Úkimet 2021 jyldyń 12 naýryzynda jumys berýshilerdiń respýblıkalyq birlestikteri men kásiptik odaqtar arasynda 2021-2023 jyldarǵa arnalǵan kelisimshartqa qol qoıdy. Osylaısha, oblystyq úsh­jaqty kelisimniń jobasy ázirle­nip, eńbekaqyny, áleýmettik jáne zeı­netaqy aýdarymdaryn ýaqtyly tóleýge qoǵamdyq baqylaýdy kúsheı­týge basa nazar aýdaryldy.

«ShQO kásipodaq ortalyǵy» aýmaq­tyq kásipodaqtar birlestiginiń tóraǵa­sy Temirbek Qasymjanov atalǵan memorandým aıasynda 2023 jyldyń sońyna qaraı oblys kásiporyndary qyzmetkerleriniń jalaqysyn keminde 30 paıyzǵa ósirý josparlanǵanyn aıtty. Sonymen qatar úshjaqty ko­mıs­sııanyń odan arǵy jumysy áleý­mettik áriptestikti nyǵaıtýǵa jáne áleýmettik-eńbek qatynastaryn retteýge baǵyttalatyn bolady.

– Kelisimshart 8 bólim, 120 tar­maq­tan turady. Jeńildikter deńgeıiniń ósýin, aýyldyq eldi mekenderde tura­tyn densaýlyq saqtaý, bilim berý, áleýmettik qamsyzdandyrý, máde­nıet jáne sport salalarynyń, veterı­narlyq qyzmetterdiń mamandaryna kómek kórsetýdi kózdeıdi. Qaýipsiz eńbek jaǵdaılaryn qamtamasyz etýge qoǵamdyq baqylaýdy júzege asyratyn tehnıkalyq ınspektorlardy materıaldyq yntalandyrý tetigi aı­qyndaldy, – dedi T.Qasymjanov.

Sondaı-aq Semeı ıadrolyq synaq polıgony saldarynan zardap shekken azamattardyń birqatary kýálikteri bar-joǵyna qaramastan, qosymsha aqshalaı ótemaqy alýǵa quqyǵy bar. 

Memorandýmǵa qol qoıý rásimine oblystyń atqarýshy bılik organdarynan oblys ákiminiń orynbasary Shákárim Buqtuǵutov, aýmaqtyq kásip­odaqtar birlestiginiń tóraǵasy Temir­bek Qasymjanov, «AMANAT» Qazaq­­stan kásipodaqtar dostastyǵy» respýb­lıkalyq kásipodaqtar birles­tigi aýmaqtyq kásipodaqtar birlesti­giniń tóraǵasy Mıhaıl Aızenberg, ju­mys berýshiler tarapynan Shyǵys Qazaq­stan oblysy boıynsha or­man, aǵash óńdeý jáne jıhaz ónerkási­bi kásip­oryndary óńirlik qaýymdasty­ǵynyń tóraǵasy Vıtalıı Cherneskıı qatysty.

 

Shyǵys Qazaqstan oblysy

 

Sońǵy jańalyqtar

Batys Qazaqstanda kıikter ólip jatyr

Aımaqtar • Búgin, 09:44

14 mamyrǵa arnalǵan aýa raıy boljamy

Aýa raıy • Búgin, 09:13

«Barystyń» alǵashqy transferi

Hokkeı • Búgin, 08:50

Gala-baletter: bı kórkemdigi

О́ner • Búgin, 08:44

Ǵasyrlardy toǵystyrǵan ǵajaıyp

О́ner • Búgin, 08:40

Kómir baıytý fabrıkasy iske qosyldy

Aımaqtar • Búgin, 08:38

«Án» be, «ún» be?

Rýhanııat • Búgin, 08:36

Jýrnalıst Qasym

Rýhanııat • Búgin, 08:34

Sóz soıyl: Ázil-ospaq

Rýhanııat • Búgin, 08:32

Sóz soıyl: Táýbeli maqal-mátel

Tanym • Búgin, 08:27

Dalalyq órkenıet taǵylymy

Tarıh • Búgin, 08:23

Balaǵa meıirin tókken polıseı

Qoǵam • Búgin, 08:21

Balabaqshanyń joǵynan bary jaqsy

Aımaqtar • Búgin, 08:18

Kásipke baýlý – qasıetti borysh

Aımaqtar • Búgin, 08:16

Aty-jónimizge abaı bolaıyq

Qoǵam • Búgin, 08:14

Úı ishindegi úılesim

Pikir • Búgin, 08:06

Qoı baqqan ozar...

Aımaqtar • Búgin, 08:03

Halyqaralyq qujattar qabyldandy

Qazaqstan • Búgin, 07:58

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar