Aımaqtar • 20 Sáýir, 2021

Shyǵysta shekteý kúsheıdi

96 ret kórsetildi

Aldyńǵy táýlikte Shyǵys Qazaqstan oblysynda COVID-19 indeti 105 adamnan anyq­taldy. Bir táýlik úshin az kórsetkish emes. Jalpy óńirdegi epıdemııalyq jaǵdaı­dy baǵalaý matrısasyna sáıkes Shyǵys Qazaqstan oblysy «sary aımaqqa» aýysqan­dyqtan, qosymsha shekteý sharalary engizildi. Demek, jaıbaraqat júrýge bolmaıdy.

15 sáýirde oblystyń Bas memlekettik sanıtarlyq dárigeri óńir halqy arasynda COVID-19 koronavırýstyq ınfeksııasymen syrqattanýshylyqtyń aldyn alý jónindegi sharalardy kúsheıtý týraly №5 qaýlyǵa qol qoıdy. Qaýly 19 sáýirden bastap kúshine enedi. Atalǵan qaýlyda eń bastysy, Almaty, Qaraǵandy oblys­tary tarapynan Shyǵys Qazaqstan oblysynyń syrtqy shekaralaryna kirýdi/shyǵýdy baqylaý úshin sanıtarlyq beketterdiń jumysy jalǵasatyn bolady. Bılıard, balalar oıyn-saýyq ortalyqtarynyń, banket zaldarynyń jumys isteýine jáne eske alý rásimderin ótkizýge tyıym salynady. Al bilim berý jáne tárbıeleý obektileriniń jumys tártibi aıqyndalǵan COVID-19 koronavırýstyq ınfeksııasynyń bir-eki jaǵdaıy tirkelse, top karantınge jabylady. Al qyzmetkerler qashyqtan jumys isteýge kóshedi. Keıbir jaǵdaıda jaqyn baılanysta bolǵan azamattar da onlaın rejimde qyzmetterin jalǵastyrady.

Aımaqtaǵy ahýal kúrdelenip bara jat­­­qan sátte jappaı sanıtarlyq talaptardy ustanǵan jón-aý. Alaıda erejege qulaq aspaıtyndar da bar. О́tken aptadan bastap О́skemen jáne Semeı avtobýs aıal­­damalarynda polısııa qyzmetkerleri jumys isteı bastady. Bir apta ishinde olar aza­mattardan sypaıy túrde betper­de kııý­di suraıtyn bolady. Sonymen qatar О́ske­menniń aıaldamalaryna ishki keste­lerine saı muǵalimder de shyqty. Olar bet­perde taq­paǵan oqýshylarǵa túsindirý jumys­taryn júrgizetin kórinedi.

О́ńirde bas sanıtarlyq dárigerdiń qaýlysy aıasynda qoıylatyn tıisti talaptardyń saqtalýyna monıtorıng jasalyp, quzyrly organdarǵa baıandalyp otyrmaq. Áıtpese, halyqty qarapaıym erejelerge baǵyndyrý qıyndyp bara jatqan sekildi. О́kinishke qaraı, sońǵy eki aptada Aıagóz aýdanynda ınfeksııa juqtyrý jaǵdaıynyń ósýi baıqalady. Anyqtalǵandaı, 14 kún ishinde tirkelgen 43 jaǵdaıdyń 39-y syrttan ákelingen. Iаǵnı «KAZ Minerals Aqtoǵaı» JShS-ne jumysqa kelgen basqa óńir turǵyndarynan anyqtalǵan. Osyǵan baılanysty, kásiporyn basshylyǵyna jaǵdaı turaqtalǵanǵa deıin birqatar oblys­tardan adamdardy ákelýdi toqtatý qajettiligi týraly hat joldanady.

Eske sala ketsek, Bas sanıtarlyq dáriger­diń qaýlysyna sáıkes ereje eskerilmegen jaǵ­daıda, zań aıasynda shara qoldanylady. Ol úshin mo­nıtorıngtik toptyń jumysy jalǵasa bermek.

 

Shyǵys Qazaqstan oblysy

 

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar