Medısına • 21 Sáýir, 2021

Otandyq vaksınany qoldaný josparda bar

28 ret kórsetildi

Jambyl oblysynda koronavırýs indetiniń aldyn alý úshin halyqty vaksınalaý jumystary turaqty júrgizilýde. Jyl basynan beri birinshi kezekte ınfeksıonıst, reanımatolog dárigerler, sondaı-aq jedel medısınalyq járdem, qabyldaý bólimsheleri men emhana qyzmetkerleri jáne epıdemıolog dárigerler de koronavırýsqa qarsy vaksına alǵan. Endi qaýipti indettiń taralýyn boldyrmaý úshin óńirde otandyq ónimderdi de paıdalaný josparlanyp otyr.

«Bıyl ekinshi toqsannan bas­tap otandyq «QazCovid-In» preparatymen de vaksınalaý júrgizý josparlanýda. Vaksınanyń tú­sýine qaraı vaksınalaýdyń úshinshi kezeńinde óńirdegi bilim berý mekemeleriniń, mektepke deıingi balalar mekemeleriniń, medısınalyq-áleýmettik me­ke­­me­lerdiń jáne quzyrly qu­ry­­lymdardyń barlyq qyz­met­kerleri, sondaı-aq halyq sana­ǵy­men aınalysatyn qyz­met­ker­ler men stýdentter egiledi», deıdi oblystyq densaýlyq saq­taý basqarmasynyń basshysy Áset Qalıev.

Búgingi tańda koronavı­rýs ınfeksııasyna qarsy vak­sı­na­laýdyń birinshi jáne ekin­shi kezeńin ótkizý úshin ob­lys­ta 20 emdeý mekemesi ju­mys isteıdi. Barlyq emhanada egý jumystary sanıtarlyq ta­lap­tarǵa saı jú­ze­ge asyry­la­dy. Negizi óńirde bıyl vak­sı­na­nyń túsýine qaraı 18 jas­tan asqan 593 700 adamǵa vaksına salý josparlanǵan. Bul oblys hal­qynyń jalpy sanynyń 52 paıyzyn quraıdy. Sonymen qa­tar oblystyq densaýlyq saq­­­­taý basqarmasynyń máli­me­­­tinshe, keıinnen halyqtyń qo­­symsha osal toptaryn qosa otyryp, kontıngentti keńeıtý josparda bar. Aǵymdaǵy jyl­dyń sáýir aıyndaǵy málimet boıynsha, vaksınanyń birinshi kom­po­nentimen barlyǵy 14 005 adam egilgen. Onyń ishinde medısına jáne bilim salasynyń qyzmetkerleri, kúshtik qurylym mamandary, memlekettik qyz­met­shiler, stýdentter men jalpy turǵyndar da bar. «Alǵashqy egýdi alǵan 14 005 adamnyń ishinde 5 651 adam 21 kúnnen keıin vaksınanyń ekinshi dozasyn saldyrdy. Alaıda vak­sı­na alǵandar tarapynan den­saý­ly­ǵyna teris áser berip, shaǵym kel­tirgender tirkelgen joq», deıdi Á.Qalıev.

Al  Jambyl oblysy boıynsha sanıtarııalyq-epıde­mıo­logııa­lyq baqylaý departamenti bas­shy­synyń orynbasary Baǵlan Qydyrbaevtyń aıtýynsha, oblys aýmaǵynda koronavırýs indetine ekpe júrgizetin 36 ekpe kabıneti, birinshi jyljymaly ekpe pýnkti men 16 kóshpeli ekpe júrgizetin brıgadalar jumys júrgizýde.

«Vaksınany saqtaý jáne tasymaldaýǵa arnalǵan tońa­zyt­­qyshtar men refrıjeratorly tıptegi kiriktirilgen tońa­zytqyshy bar belsendi ter­mo­konteınerler jetkilikti mól­sher­de alyndy. Daıyndyqtan ótken 1 022 medısına qyzmetkeri ekpe jumystaryna tartyldy. Koronavırýs indetine qarsy vaksınalaý eki kezeńmen júr­giziledi. Birinshi kezeńde vak­sı­na­nyń birinshi komponenti salynyp, arada 21 kún ótkennen keıin ekinshi komponenti salynady. Ekpe salar aldynda medısına qyzmetkeri ekpe alýshyny me­dı­sınalyq tekserýden ótki­zip, eshqandaı medısınalyq qarsy kórsetkishter bolmaǵan jaǵ­daıda ǵana ekpe alýshynyń resmı ruqsatynan keıin vaksınany salady», deıdi ol.

Búginde vaksına oblysqa kezeń-kezeńimen jetkizilip otyr. Qazirgi ýaqytta vaksınanyń bi­rin­shi komponentiniń 15 500 dozasy alynǵan. Vaksınanyń ekinshi komponentiniń de 15 500 dozasy jetkizilgen. Turǵyndarǵa ekpe jú­r­gizý jumystary jalǵasýda. Jalpy, bıyl oblysqa 582 myń doza koronavırýs ınfeksııasyna qarsy vaksınasyn jetkizý josparlanǵan.

«Qazirgi tańda biz qoldanyp otyrǵan Reseı memleketiniń óndirisinen shyqqan «Gam-Kovıd-Vak» (Spýtnık V) vaksınasy. Bul vaksına kezeń-kezeńimen synaqtan ótkennen keıin ǵana óndiriske engizilip otyr. Aldaǵy ýaqytta elimizge otandyq óndi­ris­ten shyǵatyn vaksınany qol­daný josparda bar», deıdi B.Qydyrbaev.

 

Jambyl oblysy

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar