Qoǵam • 21 Sáýir, 2021

Jańatastyq júrgizýshiler jumada jaqsylyq jasaıdy

18 ret kórsetildi

Qasıetti Ramazan aıynda Sarysý aýdany Jańatas qalasynyń taksı júr­gi­zý­shileri kópke úlgi bolatyn saýapty is bastady. Jańatas pen Taraz qala­larynyń arasynda jeke kóligimen adam tasyp, nápaqasyn taýyp júrgen bir top júrgizýshi qasıetti juma kúnderi turǵyndardy tegin tasý týraly bas­tama kó­ter­gen.

Sóıtip, birinshi bolyp bul bastamany ózderi júzege asyryp otyr. «Turaqty jumysymyz bolmaǵan soń, Jańatas qalasynan Taraz qalasyna turǵyndardy tasymaldap nápaqa tabamyz. Kúndelikti tabysymyz da asa kóp emes. Jańatastan Tarazǵa deıin bir adamǵa 2 myń teńge jolaqy alamyz. Búginde bul baǵany 2500 teńgege kóterdik. Sebebi janarmaı baǵasy 20 teńgege qymbattap ketti. Soǵan qaramastan, Ramazan aıyn­­da tur­­ǵyndardy tegin tasymaldaýǵa bel baı­ladyq. Árbir juma kúni tańǵy je­ti­­den bastap Jańatastaǵy meshittiń ja­­nynan oblys ortalyǵyna baratyn tur­ǵyn­dardy tegin jetkizemiz. Keri qaıt­qanda da tegin alyp qaıtamyz», deıdi taksı júrgizýshi Raýan Dúısenbıev.

 Qasıetti aıda saýapqa kenelgisi kelgen jańatastyq 7 taksı júrgizýshisi osyndaı ıgi bastamany bastap ketti. Kólik júrgizýshileri endi bul bastamany estafeta retinde ózge de baǵyttarǵa jolaýshy tasymaldaıtyn azamattarǵa joldaǵysy keletinin aıtady. Bul rette mundaı ıgi iske Jańatas qalasynyń jas­tary da qoldaý bildirýde.

«Taraz qalasy men aýdan ortalyǵy arasynda kúnine 100-ge jýyq adam taksımen qatynaıdy eken. Son­dyq­tan da taksı júrgizýshileri osy aıda qaıyrymdy is jasaýǵa bel býyp­ty. Mundaı ıgi iske ózge de kóligi bar azamattar nıet tanytyp otyr. Atalǵan bastamany biz áleýmettik jeli arqyly aýdan turǵyndaryna habarladyq. Nátıjesinde, bul bastamany qoldaıtyndardyń qatary artýda. Sondaı-aq búginde karantın talaptaryna baılanysty kóp adamnyń basyn qosyp, aýyzashar berýge bolmaıdy. Sondyqtan da aýdan turǵyndary kúnde bizge qarjy jınap beredi. Ol qarjyǵa biz kúndelikti 80 adamǵa tegin tamaq taratyp júrmiz», deıdi Sarysý aýdandyq jastar resýrstyq ortalyǵynyń ınspektory Baýyrjan Balǵabaı.

 

Jambyl oblysy

 

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar