Medısına • 21 Sáýir, 2021

«Epıdemııamen qalaı kúresý kerektigin bilemin»: Birtanov bostandyq surady

3035 ret kórsetildi

Asa iri kólemde bıýdjet qarajatyn ysyrap etý faktisi boıynsha qylmystyq aıyp taǵylǵan eks-Densaýlyq saqtaý mınıstri Eljan Birtanov búgingi sot otyrysynda óziniń kinásiz ekenin málimdedi, dep habarlaıy Egemen.kz

Sot otyrysynda ol ózine taǵylǵan aıyppen kelispeıtinin jáne sottan ony bosatýyn surady.

«Meniń esh kinám joq jáne ózime taǵylǵan aıyppen kelispeımin. Qurmetti sýdıa, meni bosatýyńyzdy suraımyn. Sebebi, men qazir qamaýda otyrǵanymnan góri bostandyqta júrsem, epıdemııamen kúresýde qoǵamǵa kóbirek paıdamdy tıgizer edim. Meniń densaýlyq saqtaý, medısına salasynda jıǵan kóp jyldyq tájirıbem jetkilikti. Sondyqtan epıdemııamen qalaı kúresý kerektigin bilemin», dedi eks-mınıstr Eljan Birtanov.

Bul rette prokýrorlar Eljan Birtanovtyń úı qamaq merzimin mamyr aıynyń sońyna deıin uzartýdy surady. Olardyń aıtýynsha, eger Birtanov bostandyqta júrse, tergeýge qysym kórsetýi múmkin eken.

Esterińizge sala keteıik, byltyr jazda Prezıdent Jarlyǵymen Eljan Birtanov qyzmetinen bosatylǵan edi. Alaıda ol bul qyzmetinen ketse de, memleket qarajatyn ysyrap etti degen kúdikpen qamaýǵa alyndy. Sot prosesi uzaqqa sozylǵandyqtan, eks-mınıstr úı qamaqqa alyndy.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar