Qoǵam • 21 Sáýir, 2021

Eljan Birtanovqa úıden shyǵýǵa ruqsat berildi

87 ret kórsetildi

Burynǵy Densaýlyq saqtaý mınıstri Eljan Birtanovqa belgili bir ýaqytqa úıinen shyǵýyna ruqsat berildi. Bul týraly onyń advokaty Dmıtrıı Kýrıachenko aıtty, dep habarlaıdy Egemen.kz.

«Sanksııa boıynsha Eljan Birtanovtyń úıqamaq merzimi 14 mamyrǵa deıin sozyldy. Oǵan saǵat 08.00 men 19.00 aralyǵynda úıden shyǵýyna ruqsat berildi», dedi D. Kýrıachenko.

Aqpan aıynda advokat úıqamaqta otyrǵan eks-mınıstrdiń  úıine shashtarazdy kirgizýge tyıym salynǵanyn aıtqan bolatyn. Búgin jelide alty aıdan beri úıqamaqta otyrǵan Eljan Birtanovtyń fotosy tarady. 

Eske sala keteıik, Eljan Birtanov búgingi sot otyrysynda óziniń kinásiz ekenin aıtyp, sottan bosatýyn suraǵanyn jarııalaǵan edik.

Aıta keteıik, 2020 jyldyń 3 qarashasynda burynǵy Densaýlyq saqtaý mınıstri Eljan Birtanov bıýdjet qarjysyn ysyrap etti degen kúdikpen qamaýǵa alynǵan bolatyn. Osy jyldyń aqpan aıynda Nur-Sultan qalasynyń aýdanaralyq tergeý soty eks-mınıstrdi úıqamaqta ustaý merzimin 2021 jyldyń naýryz aıynyń sońyna deıin uzartty, keıin sáýir aıynyń 30-na deıin taǵy sozǵan edi.

Al naýryz aıynyń sońynda burynǵy bas dárigerdiń qorǵaýshysy Dmıtrıı Kýrıachenko BAQ-qa suhbat berip, Birtanovtyń densaýlyǵy syr bergenin jáne ony úıqamaqta negizsiz ustap otyrǵanyn aıtqan.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar