Qoǵam • 21 Sáýir, 2021

Eńbek naryǵynda qandaı mamandarǵa suranys joǵary?

16 ret kórsetildi

Elordada Halyqty jumyspen qamtý ortalyǵyna jyl basynan beri 6000-ǵa jýyq azamat jumys izdep kelse, sonyń 3800-den astamy jumysqa ornalasyp úlgergen, dep habarlaıdy Egemen.kz elorda ákimdiginiń resmı saıtyna silteme jasap.

Elorda elimizdegi qurylysy qarqyndy júrgizilip jatqan qala bolǵandyqtan eńbek naryǵynda ásirese qurylys salasynyń mamandaryna suranys kóp. Atap aıtqanda prorab, sheber, tas qalaýshy, armatýrashy, ınjener-smetashy, betonshy, kran-mashınısti, TQU ınjeneri, ártúrli jumys isteýshi jumysshylar qajet.

Prezıdenttiń bastamasymen ótken jyly engizilgen «Jumyspen qamtýdyń jol kartasy» baǵdarlamasy bıyl da jalǵasady.

2021 jyly Nur-Sultan qalasynda 21 ınfraqurylymdyq jobany iske asyrý josparlanyp otyr. Jobalardy júzege asyrý aıasynda 1000-nan astam jańa jumys ornyn qurý kózdelgen. Onyń 50%-y jumyspen qamtý ortalyǵy arqyly júzege asyrylady.

Bas qalada qoǵamdyq tamaqtaný salasynyń mamandary suranysy joǵary jumys túriniń kóshin bastap tur. Ásirese, naýbaıshy, aspaz, túrli taǵamdar sehyna aspaz, as-úı qyzmetkerin izdeıtinder kóp. Elordalyqtardyń tátti taǵamdardy qoldanýy artqan. Kondıterge suranys kóbeıgen.

Qazirgi epıdahýalǵa baılanysty densaýlyq salasynyń qyzmetkerleriniń jetispeýshiligi baıqalady.

Elektrondy eńbek bırjasynyń (www.enbek.kz) portalyna 45 000-nan astam mekeme tirkelgen. Qazirgi ýaqytta 1 039 mekeme jumysshy izdeıdi. Ol jerde 7 064 bos oryn bar.

Qazir Halyqty jumyspen qamtý ortalyǵy arqyly 120 adam qysqa merzimdi kásiptik oqýlarǵa jiberildi. Jeke kásip bastaımyn degen jańa bıznes ıdeıasy bar jobalarǵa 61 memlekettik grant berildi. «Atameken» kásipkerler palatasynyń kásipkerlik negizderin oqytatyn «Bastaý bıznes» jobasy boıynsha 700 adamǵa joldama berildi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar