Sport • 23 Sáýir, 2021

Burymdylarymyzǵa bas júlde buıyrmady

17 ret kórsetildi

Polshanyń Kels qalasynda bokstan qyzdar arasyndaǵy álem birinshiligi óz máresine jetti. О́kinishke qaraı, bizdiń burymdyldardyń birde-bireýine bas júlde buıyrmady, dep habarlaıdy Egemen.kz.

Biriniń baǵy janbady, biriniń baby kem boldy degendeı, qyzdar arasyndaǵy jarysty Araılym Marat (48 kılo), Gúlnar Turapbaı (51 kılo), Aıshagúl Eleýbaeva (54 kılo), Nazerke Serik (57 kılo) jáne Mılana Aıýpova (64 kılo) merziminen buryn aıaqtady. О́zge bes qyzymyz jartylaı fınalǵa deıin jetip, júldeli oryndar úshin talasý múmkindigine ıe boldy.

Bul mejede 60 kılo salmaqtaǵy Juldyz Shaıahmetova ózbekstandyq Dılfýza Bekovadan basym tússe, 75 kılo salmaqtaǵy Dana Dıdaı sol eldiń taǵy bir ókili Sohıba Rýzmetovadan aılasyn asyrdy. Osy kezdesýlerdiń ekeýinde de bizdiń sulýlardyń ústemdigi esh kúmán týǵyzǵan joq. Al Jasmın Qızatova (69 kılo) polshalyq Barbara Marchınkovskaǵa, Ásel Saǵatova (81 kılo) reseılik Ksenııa Olıfırenkoǵa jáne Eldana Tálipova (+91 kılo) moldovalyq Darııa Kozorezge jol berip, qola medaldi qanaǵat tutty. 

Fınalda qazaqtyń qos sulýy Úndistannyń ókilderimen qolǵap túıistirdi. Juldyz Shaıahmetova Vınkaǵa, al Dana Dıdaı Sanama Chaný Tokchomǵa qarsy shyqty. О́kinishke qaraı, Juldyz úndistandyqtyń qarqyndy shabýylyna tótep bere almady. Nátıjesinde Vınka altyn alsa, Shaıahmetova kúmis medaldi qanaǵat tutty. Kóp keshikpeı rıngke Dana kóterildi. Bul báseke shıeleniske toly boldy. Eki jaq ta aıanyp qalǵan joq. Desek te tóreshiler jeńiske Tokchomdy laıyq dep tapty. Osylaısha, burymdylarymyz Polshadaǵy jarysty eki kúmis jáne úsh qola medalmen qorytyndylady. 

Jalpy komandalyq esepte Úndistan quramasy aldyna jan salmady. Olar jeti altyndy oljalap, aıdy aspanǵa bir-aq shyǵardy. Ekinshi oryndaǵy Reseıdiń qorjynynda 1 altyn, 2 kúmis jáne 1 qola medal bar. 1 altyn, 1 kúmis jáne 4 qolany enshilegen О́zbekstannyń ókilderi úshinshi satyǵa jaıǵasty. Tórtinshi jáne besinshi oryndarda – Túrkııa (1+0+0) men Polsha (0+2+5). Al Qazaqstannyń boksshylary altynshy satyǵa taban tiredi.

Jalpy, qyzdar arasyndaǵy álem birinshiligi 2011 jyldan beri úzdiksiz uıymdastyrylyp kele jatyr. Alǵashqy jarystyń tusaýy Túrkııanyń Antalııa qalasynda kesildi. Anadoly elinde bes boksshymyz qola medaldi moıyndaryna ildi. Olar – Nazym Qyzaıbaı (48 kılo), Nazym Tóleýova (54 kılo), Jánel Ińkárbekova (75 kılo), Olga Tıtarenko (81 kılo) jáne Oksana Ýhareva (+81 kılo).

2013 jyly Bolgarııanyń Albena qalasynda 69 kılo salmaqtaǵy Gaýhar Ermekbaıdyń asqan sheberligine tánti boldyq. Fınalda ırlandııalyq Krıstına Deısmondty utqan ol altynnan alqa taǵyndy. Aıdana Arapbaı (60 kılo) kúmis medaldi ıelense, Alýa Balqybekova (48 kılo), Valentına Halzova (75 kılo) jáne Anastasııa Rylına (81 kılo) qolaǵa qol sozdy.

2015 jyly tórtkúl dúnıeniń talantty jastary Taıpeıde jınaldy. Bul jarysta 54 kılo salmaqta baq synaǵan Balaýsa Muzdıman álem chempıony atandy. Saǵatbek Musahanovtyń shákirti fınalda ıtalııalyq Konsessa Marshesten aılasyn asyrdy. Baıan Aqbaeva (63 kılo) aqtyq synda utylsa, Nazym Ishanova (60 kılo), Altyn Muqyshbekova (81 kılo) jáne Jánel Jumasova (+81 kılo) qola medaldi enshiledi.  

2017 jylǵy dúnıejúzilik dodany Úndistannyń Gývahatı qalasy qabyldady. Aıtýly jarysta 81 kılo salmaq dárejesinde óner kórsekten Araılym Bekdildá aldyna jan salmasa, Jazıra Oraqbaeva (48 kılo) men Dına Islambekova (+81 kılo) ekinshi oryn aldy. Al qos Jansaıa – Ábdiraıymova (51 kılo) men Baltabekova (60 kılo) úshinshi satyǵa taban tiredi.

2018 jylǵy jarys Majarstannyń bas shahary – Býdapeshte ótti. Úndi elinde ótken álem birinshiliginiń fınalynda súringen Dına Islambekova (+81 kılo) bul joly sheshýshi tusta ýkraınalyq Marına Lovchınskaıany jolynan yǵystyryp, altyn tuǵyrdan qol bulǵady. Aızada Islamǵalı (54 kılo) men Gýzalııa Sadyqova (81 kılo) kúmis alsa, Ánel Qudaıbergen (46 kılo) men Jansaıa Ábdiraıymova (51 kılo) qola medaldi ıelendi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar