Medısına • 26 Sáýir, 2021

«SQ-Farmasııanyń» eks-basshysyna qatysty alǵashqy sot otyrysy bastaldy

310 ret
kórsetildi
1 mın
oqý úshin

Búgin elordanyń Esil aýdandyq sotynda «SQ-Farmasııanyń» burynǵy basshysy Berik Sháripke qatysty alǵashqy sot otyrysy bastaldy, dep habarlaıdy Egemen.kz

«SQ-Farmasııanyń» eks-basshysyna qatysty alǵashqy sot otyrysy bastaldy

Sýdıa Qanat Dúısembıev eks-basshy Berik Sháripke qatysty qylmystyq is QR Qylmystyq kodeksiniń 361-baby, 4 bólimi, 3-tarmaǵy (Qyzmettik ókilettikterin asyra paıdalaný) jáne 287-baby (Qarý-jaraqty, oq-dárilerdi, jarylǵysh zattardy zańsyz ıemdený, berý, satý, saqtaý, tasymaldaý nemese alyp júrý) boıynsha qaralyp jatqanyn málimdedi.

Aıta keteıik, 9 sáýirde QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bıǵaıdarov sybaılas jemqorlyqqa qarsy qyzmet «SK-Farmasııa» JShS-niń eks-basshysyna qatysty qylmystyq is boıynsha tergeýdi aıaqtaǵanyn habarlaǵan.

Al 21 sáýir kúni sot «SQ-Farmasııanyń» burynǵy basshysy Berik Sháripke qatysty is boıynsha aldyn ala tyńdaýda aıyptalýshyny qamaýdan bosatýdan bas tartty.

Qańtarda Berik Sháripke qyzmet babyn asyra paıdalandy degen aıyp taǵylǵandyǵy týraly habarlanǵan, biraq keıinirek is salaqtyq baby boıynsha qaıta qarastyryldy. Iаǵnı laýazymdy tulǵanyń óz qyzmetine uqypsyz qaraýy, adaldyq tanytpaýy boıynsha.

Eske salaıyq, ótken jyldyń 10 shildesinde «SQ-Farmasııa» Basqarma Tóraǵasy Berik Shárip qyzmetinen bosatylǵan bolatyn. Ol tóraǵalyq qyzmetke 3 aı ýaqyt buryn ǵana kelgen edi. Artynsha 14 tamyzda  basqarmanyń burynǵy tóraǵasy Berik Shárip ustaldy.