Elorda • 27 Sáýir, 2021

Nur-Sultan mektepterinde maskanyń bolýyn anyqtaıtyn tehnologııa iske qosyldy

63 ret kórsetildi

27 sáýirde eki elordalyq mektepte bet-álpetti taný júıesi iske qosyldy, ol birden temperatýrany ólshep, maskanyń bolýyn tekseredi, dep habarlaıdy Egemen.kz elorda ákimdiginiń resmı saıtyna silteme jasap.

Qazaqstandyq ázirleme derekter bazasynda tirkelmegen adamdardyń mektepke kirýin shekteıdi, sol sııaqty oqýshylardyń, oqytýshylardyń jáne barlyq qyzmetkerlerdiń kelip-ketý ýaqytyn qadaǵalaýyna múmkindik beredi.

«Bul ázirleme birden birneshe máseleni sheshýge múmkindik beredi: qaýipsizdikti de, kelgen jurtty baqylaýdy da qamtamasyz etedi. Qazirgi ýaqytta otandyq ázirleýshilerdiń 200-den astam klıenti bar, olardyń 80%-y Qazaqstan aýmaǵynda, qalǵandary Reseı, Ýkraına, О́zbekstan, Fılıppın, Sıngapýr, Indonezııa jáne Úndistannan kelgen», deıdi Clockster ókili Arman Ernazarov.

Qazaqstandyq Clockster ázirlemesi — jumys ýaqytyn esepke alýǵa arnalǵan HR-júıe. Bul yńǵaıly, óıtkeni ol ár túrli bıometrııalyq qurylǵylarmen biriktirilýi múmkin. Ázirleýshilerdiń aıtýynsha, Clockster júıesi erekshe, óıtkeni kompanııa bazasynda málimetter bolmaǵan kezde júıe adamnyń bet bıometrııasyn tanymaıdy jáne ony ǵımaratqa kirgizbeıdi. Ázirleme pılottyq joba aıasynda elordanyń №22 jáne №59 mektepterinde iske qosyldy.

«Balalardyń qaýipsizdigin qamtamasyz etý – bul birinshi kezektegi mindet. Mektepke kirgizetin kartalar únemi joǵalady nemese bóten adamnyń qolyna túsip qalýy múmkin. Al Clockster júıesi eshqandaı kartany kerek etpeıdi, tek bazada siz týraly aqparat bolýy qajet. Júıeniń taǵy bir ereksheligi - balanyń sabaqqa qatysýy týraly habarlama mektep basshylyǵy men ata-analaryna birden keledi. Derekterdiń saqtalýyna Clockster jáne derekterdiń ıeleri bolyp sanalatyn paıdalanýshylardyń ózderi jaýapty bolady», dedi «Astana Innovations» AQ Basqarma tóraǵasy Ádilet Nurǵojın.

«Bizdiń joba 2020 jyly «Kıber shabýyldardy taldaý jáne tergeý ortalyǵynda» osaldyqtardy tabýǵa testileýden ótti, olardyń usynystary boıynsha barlyq yqtımal osaldyqtar joıyldy», deıdi Arman Ernazarov.

Aıta keteıik, Astana Innovations Nur-Sultan qalasynyń ákimdigimen birlesip, elorda turǵyndary men qonaqtarynyń turýy úshin qolaıly jáne jaıly jaǵdaı jasaıdy. Osylaısha, «Aqyldy aýdan» jobasy aıasynda Astana Innovations engizýge daıyn sheshimderi bar kompanııalardy tabady. Nátıjeler sátti bolǵan jaǵdaıda júıeni elordanyń basqa mektepterinde de ornatý usynylady.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar