El qorjynyna altyn júldeni 52 kılo salmaqta byltyrǵy el chempıonatynyń kúmis júldegeri, Olımpıada joldamasynyń ıegeri Sáken Bıbosynov pen 63 kılodaǵy Qazaqstan chempıony Ertýǵan Zeınýlınov saldy. Fınaldyq jekpe-jekte Bıbosynov 2013 jylǵy Azııa chempıony qyrǵyzstandyq Azat Úsenálıevti jeńse, Zeınýlınov reseılik Artýr Sýbhankýlovtan basym tústi.
О́kinishke qaraı, fınalda óner kórsetken Vasılıı Levıt (91 kg) reseılik qarsylasy Tımýr Gamzatovtan, jastar arasyndaǵy álem chempıony Nurbek Oralbaı (81 kg) aǵylshyn boksshysy Bendjamın Ýıttakerden jeńilip, halyqaralyq jarystyń kúmis júldegerleri atandy. Sonymen qatar týrnırdiń jartylaı fınalynda qarsylastaryna jol bergen Abylaıhan Júsipov (69 kg), Nurqanat Raıys (75 kg) jáne Nurlan Saparbaı (+91 kg) jarystyń qola júldesine ıe bolǵanyn buǵan deıin habarlaǵan edik.
