«MÁMS júıesi engizilgeli beri turǵyndar tarapynan suranysqa ıe KT, MRT, joǵary tehnologııalyq medısınalyq qyzmetter, konsýltasııalyq-dıagnostıkalyq qyzmetter, t.b. (pasıenttiń aqysyz tekserilýi, emdelýi, dáriger men beıindi mamannyń keńesi, konsýltasııalyq-dıagnostıkalyq qyzmetter, oqaltý qyzmetter, t.b.) medısınalyq qyzmet túrlerin barlyq azamattardyń alý múmkindigi artty.
Sol sekildi EEG monıtorıngten de MÁMS aıasynda joldama arqyly tegin tekserýden ótýge bolady. Buny 1000-ǵa jýyq pasıent MÁMS aıasynda EEG monıtorıng – tekserýden tegin ótken «Januıa» jekemenshik klınıkasy mysalynan kórýge bolady» - deıdi Áleýmettik medısınalyq saqtandyrý qorynyń Nur-Sultan qalasy boıynsha fılıalynyń baspasóz qyzmeti.
Bárimizge belgili, 2020 jylǵy 1 qańtardan Mindetti áleýmettik medısınalyq saqtandyrý (MÁMS) júıesi júzege asyryla bastady. MÁMS júıesi jarna mólsherine qaramastan, barlyq saqtandyrylǵan adamdarǵa qyzmetter paketi teńdeı qoljetimdi bolýyna negizdelgen. Iаǵnı, múmkindigine qaraı tólem jasaǵan ár azamatqa jetine qaraı, MÁMS boıynsha kómek alý úshin júgingen kezde em beriledi, medısınalyq qyzmetterdiń kólemi men quny shektelmeıdi.Barlyq medısınalyq qyzmetterdi memlekettik jáne jekemenshik klınıkalarda alýǵa bolady. Tek bir ǵana shart – medısınalyq uıym ÁMSQ derek qorynda bolýy jáne áleýmettik medısınalyq saqtandyrý boıynsha qyzmetter kórsetýi tıis.
