Soǵys ardageri Nıkolaı Ivanovıch Dıomın Petropavldaǵy №2 qalalyq emhanaǵa baryp, vaksına saldyrǵan. Qarııanyń ekpe alǵanyna búgin úshinshi kún, qazir jaǵdaıy jaqsy.
«Emhanadan habarlasyp, vaksına saldyrýǵa shaqyrdy. Alǵashqy eki kún ózimdi jaısyz sezindim. Basym aýyrdy, álsizdik bolyp, jattym. Mamandar azdap aýyrýyń múmkin dep meni eskertti. Al búgin ózimdi jaqsy sezinip turmyn. Esh jerim aýyrmaıdy. Ekpe alǵanyma qýanyshtymyn, endi aýyrsam da jeńil ótedi. Sondyqtan barlyǵyn vaksına saldyrýǵa shaqyramyn», deıdi soǵys ardageri.
