BQO densaýlyq basqarmasynyń málimetinshe, mobıldi egý pýnktteri kesheli beri tórt iri saýda ortalyǵy men bazar janynda qoıylǵan.
«Munda kez kelgen qala turǵyny jeke kýáligin kórsetip, koronavırýsqa qarsy ekpe ala alady. Aldymen medısınalyq tekserýden ótedi, eger densaýlyǵynda bári jaqsy bolsa ekpe egýge jiberiledi. Oraldyqtar otandyq QazVac nemese reseılik «Sputnik V» vaksınasynyń bireýin tańdaýyna qaraı salǵyza alady. Egý pýnktteri qalalyq emhanalardaǵy kabınetter sekildi saǵat 10:00-den 20:00-ge deıin jumys isteıdi», dep habarlady vedomstvo ókilderi.
Oblystyq densaýlyq saqtaý basqarmasy basshysynyń mindetin atqarýshy Arman Qalıbekovtyń aıtýynsha, búgingi kúnge deıin oblysta 32937 adam vaksınanyń birinshi komponentimen egildi. Sondaı-aq 8408 adam ekinshi komponentti alyp úlgergen.
