1929 jyly ótken ólke tarıhy kórmesinen bastap mýzeıde jádigerler jınaldy. Bastapqyda jádigerler jeke menshik úıge ornalastyryldy. Al 1967 jyldyń 6 maýsymynda Qazaqstan Kompartııasy Ortalyq komıtetiniń birinshi hatshysy Dinmuhamed Ahmetuly Qonaev qatysýymen oblystyq tarıhı-ólketaný mýzeıiniń ashylý saltanaty ótti.
2015 jyly ǵasyrlyq tarıhı bar mýzeı avarııalyq dep tanylyp, tek qyzmetkerleri kúndelikti jumysyn jalǵastyrdy. Arada 3 jyl ýaqyt salyp mýzeı ujymy qaladaǵy Batys-2 aýdanynda zamanaýı nysanǵa kóship bardy.
Eski ǵımarat qaraýsyz qalǵandyqtan, kez kelgen turǵyn ony ońaı buzyp kire alady. Osy oraıda Aqtóbe oblystyq tarıhı-ólketaný mýzeıiniń dırektory Meıram Dúısenǵalı ýájin bildirdi.
«Biz negizgi eksponattardy kóshirip aldyq. Al ózgesi esepten shyǵarylǵan. Qalǵan aýa baptaǵysh, vetrınalar arnaıy mekemeniń kómegimen joıylady. О́zge zattar týraly aıtsam, mýzeı qoryna kirmegen. Ol da qoqysqa laqtyrylmaıdy, tek joıylýy tıis. Aldymen konkýrs jarııalap, jeńimpaz anyqtalýy kerek. Negizi eki jyl boıy ǵımarat mýzeıge tıesili boldy. Ol kezde eshkim esigin ashpady. Bos turǵan soń kúzet qyzmeti bolmady, degenmen múlikti búldirgen adamdy kórmedim. Al kitaphana balansyna ótken soń qaıta-qaıta ishine kirip, beınematerıal taratyp júr», deıdi ol.
Bıyl aqpan aıynda ólketaný murajaıynyń ǵımaraty Aqtóbe qalasy ákimdiginiń qaýlysymen Altynsarın kóshesindegi qalalyq ortalyqtandyrylǵan kitaphana júıesiniń balansyna berilgen eken.
«Saraptama qorytyndysy shyqqan soń bul ǵımaratqa kúrdeli jóndeý jumysy júrgizilip, qalalyq ortalyqtandyrylǵan kitaphana júıesine beriledi. Kovorkıng te bolady. Eksponattardyń barlyǵy oblystyq tarıhı-ólketaný murajaıyna tıesili. Olar alyp ketti. Beısenbi, senbi kúnderi jan-jaǵyndaǵy qoqysty jınaımyz, ishinde emes. Kúnde ashyq turǵan joq. Biz qulyp satyp qoıdyq», dedi Aqtóbe qalalyq mádenıet jáne tilderdi damytý bóliminiń basshysy Ásel Bólekova.
